華人基督教聯會薄扶林墳場

睇你去上段定下段, 依家最直接方法係搭地鐵去堅尼地城, 再轉車過去, 而一程車就肯定無啦.

如果去下段 (域多利道), 可搭地鐵去堅尼地城 ($9.4), 再到C出口沿士美非路步往卑路乍街聯邦新樓轉乘城巴43M ($5.3 - 八達通$0.5轉乘優惠 = $4.8) 到薄扶林墳場落車直達.
要轉小巴就可以從A出口轉58、58A、58M、59 ($6.5 - 八達通$0.5轉乘優惠 = $6.0), 但要到西島中學落車再行大約10分鐘前往.

另一個由筲箕灣去堅尼地城既途徑係搭新巴18X ($8), 到山道至聯邦新樓之間任何一個站轉43M, 或到聯邦新樓行上堅尼地城站轉58/59系列小巴.
(註: 18X同以上路線不設轉乘優惠)



如果去上段, 同樣可搭地鐵去堅尼地城, 從A出口轉23、23M小巴 ($5.5 - 八達通$0.5轉乘優惠 = $5.0), 到薄扶林墳場對面落車.

另一途徑係搭新巴720 ($6.5) 出中環, 到砵典乍街落車, 同站轉乘新巴4X ($5.3 - 八達通$1.0轉乘優惠 = $4.3)、46X ($6.5 - 八達通$1.0轉乘優惠 = $5.5) 或55小巴 ($7), 全部都係去到薄扶林墳場落車.
亦可從砵典乍街過對面行去交易廣場搭往香港仔紅色小巴 ($6.5-$8), 都會經過墳場對面, 應該會快過以上路線.


依家有西港島綫, 搭地鐵最方便都係堅尼地城轉車, 但搭巴士去薄扶林上段最好喺返中環轉, 因為多啲轉乘選擇.
去下段就焗住堅尼地城轉啦, 話哂運輸處要將嗰頭巴士小巴縮去堅尼地城/石塘咀, 以便轉地鐵...