同學之間喜歡比較

成年後你會發現比較同競爭係人同人之間嘅常事。

佢練習多都係做自己本份。其實同你冇直接關係。如果老師要換人，亦有好多原因，未必係你唔夠揮。不過你唔好懶，練多啲加埋你嘅天份，不但保持競爭力，更讓老師知道你良好嘅態度。除非有其他考慮，否則老師唔會輕易換人。

最後一點醒你嘅：你嘅感覺基於你對自己信心不足，在乎成敗。但要喺人生中勝出，就需要沈穩、堅定、輸得起。咁先唔會因對手嘅動作而左右你嘅情緒、方向、策略，亦唔會因此而使你未應戰，就先被自己嘅心魔擊敗。

加油！

你既問題, 唔係喜唔喜歡既問題, 而係受唔到壓力既問題.

要知道, 就算果個人再鐘意你, 如果佢肯努力, 佢一樣有機會搶走你既位, 原因並唔係佢鐘唔鐘意你, 而係你比佢差.

有一句, 舊到嘔既說話 : 嬴人, 先要嬴自己

嬴自己的咩? 嬴自己既懶惰, 嬴自己既負面情緒, 嬴自己對對方既偏見執著, 嬴自己易於滿足既志氣, 嬴自己真係輸左之後既態度, 嬴自己既過度好勝心, 嬴自己唔識欣賞人既想法 ~~ etc

*** 即係, 要嬴過去既自己

如果唔學呢的野, 你遲的有大把野辛苦... 學業, 戀愛, 工作 etc ~

*** 因為世上, 總有比你更強大既人 ~ 就算你成為 Bill Gate, 李嘉誠都一樣 ~