我係唔係同性戀?

本人讀女校 由細到大都習慣將D班入面既同學分曬做一pair pair

雖然生理上係女仔 但係心理上對自己既女性身份好抗拒 自從上年剪短咗頭髮之後 成日係街上俾人誤認做男仔 雖然啊媽好唔鍾意 但係其實我心入面好享受咁樣俾人叫 而且爲咗唔好俾人認到做女仔 繼續享受俾人叫做男仔 我試過唔理啊媽既反對 偷偷地剪翻短頭髮

我一直都好肯定自己係個同性戀者 但係大吓大吓 身邊既同學都有男朋友 望落去gay gay 哋既都有對像 搞到好懷疑係唔係錯覺 我究竟係gay 定 straight???

中一嗰年 我對班上面既同學有好感 雖然我自己到宜家都好唔清楚係唔係鍾意嗰嗰人... 我成日好鍾意同嗰嗰人玩同打架 佢份人好冷漠 (可能對我先係咁) 脾氣時好時唔好 所以我上堂嗰陣好鍾意同佢傾計 引佢笑
有一次佢喊住打俾我既時侯又有一種沖動想攬住安慰佢
而且當佢唔理我 同第二個朋友傾得好開心既時侯又會嬲到面黑 (嗰次俾人話我失戀 未戀點失...)
有時仲會無端端幻想同佢係埋一齊
同埋會好注重係佢心入面既形象 所以成日偷偷地剪頭髮 又唔夠膽望住佢對眼 如果偷望佢個陣俾佢發現就會逃避佢既眼神同埋面紅
計埋計埋 我都鍾意咗佢兩年幾 但係佢對我好冷淡 有時都唔知佢當唔當我係朋友 但係其實中間都有對其他人有好感 (好花心...) 全部都係女仔

其實呢嗰問題困繞咗我6年... 所以好希望可以知道自己係唔係les 我知道呢D嘢都係要靠自己慢慢發現 但係煩咗咁多年始終都揾唔到答案 所以想咁多位幫幫手
如果上述資料仲唔夠多既話 請留言提點 唔該各位 左咗你一陣 thx ORZ