亞氏保加症，急急！！

我身邊有個男性朋友，識既時間長咗，覺得巨同普通男仔性格有所不同。

一，巨對自己既野特別支整，打開巨個衣櫃，全部衫褲鞋抹都擺得井井有條，折得好整齊，分類的好好，連自己中意既東西，例如郵票或者紀念鈔都擺得好整齊。但自己打扮就同一般男仔一樣，唔會係著得好潮，好型果d。


二，我覺得巨有d古板，例如巨剪頭髮，次次都搵開巨指定既髮型師，已經幫襯哩位髮型師有10幾年啦，但我並不覺得哩位髮型師剪得好睇，次次都係果個髮型，重來不變，我有試過叫巨嘗試試第二個，轉下，巨都覺得巨現時既髮型好。


三,有時同巨whatsapp，有時打得快，打錯字，，巨都要糾正一番，話我打錯或者你講錯，唔應該咁講，應該咁樣咁樣，所以有時都因為咁而引起爭吵，係我角度，你睇得明就ok，無謂咁執著於哩d咁小既事，我發覺有時溝通，需要講野要直接，因為巨話唔中意講野轉黎轉去。


四，巨對我講野有d囉嗦，例如有野分享比我聽，巨要重複兩三次，如果我無專心聽巨講野，或者眼神睇到第二度，巨會覺得我無聽巨講野，就會重新再講。所以我覺得有時好鬼囉嗦，但我見巨同其他人溝通又無哩個問題出現！


五，我發覺巨情緒有時好情緒化，一聽到說話唔啱聽，或者唔開心會表露係塊面度，講野會好直接，當有摩擦時，會常覺得自己係對的，其他人係錯，唔會企係人地角度唸一唸，總括嚟講，對事分析能力無咁高咁。


六，覺得巨對自己辦事能力無麥信心咁，日常工作能力就唔清楚，但自己的私事，例如申請政府文件，如果唔識，巨唔會去上網睇下個申請程序係點樣，巨會問人，但問人點申請係正常，但比人感覺比較謹慎，同埋好驚錯咁。


其實我係想請教有關專業人士，巨哩特症會唔會有些問題，因為我昨天睇咗集特輯，係講有關於亞氏保加症既人，唸唸下，覺得身邊哩位朋友某些性格有d似，所以請教下大家的睇法，但巨有好多朋友，唔算係孤癖的一群，因為睇完哩個節目后，懷疑哩位朋友會否屬於這一類型既人，定係巨自己本身性格既問題咧?還是我自己唸多咗?請大家比比意見，謝謝!