✔ 最佳答案
換成人身份證時改名,需要先去律師樓辦一張 "改名契",價錢應該唔貴,好多律師都識做,你可以問朋友有冇律師介紹,或自己在網上搜尋律師樓廣告,打電話去問是否有呢樣服務和收費,比較一下.
做改名契需要監護人簽名,即你父母任何一人要陪你去律師樓辦理. 手續詳情,需要什麼文件,你問律師樓啦,應該即日可以完成.
當有改名契後,你帶埋出世紙和兒童身份證去換成人身證,當然,最好事前打電話去入境處問問,換證時改名需要乜文件.
去換成人身份證需要預約. 詳情可睇以下網頁.
http://www.gov.hk/tc/residents/immigration/idcard/hkic/bookregidcard.htm
改名之後,好多野都要改喎,如駕駛執照,護照,回鄉證,銀行戶口,仲有你以前d學歷,公開試成績等.....
2015-04-18 13:45:32 補充:
係要先去律師樓整左張改名契, 先可以擰住張契去入境處辦改名換證.
你要有改名契先可以在身份證改名.