連發兩個有關連嘅惡夢，個好清晰

我最近考試，但以前唔會因為考試所以發咁嘅惡夢
我唸起都驚，搞到最近心情好抑鬱。
一開始系我老豆賺到大錢，唔知點解都幾清楚個數字系1000萬
然後佢因為唔想比屋企d人知，所以就預謀槍殺佢地，之後我就醒左，這是第一日發嘅夢...
第二日晚發嘅夢，我真係頂唔順，唸起雞皮都起埋
我老豆一向都好孝順，但系個夢入面，我老豆囖起槍，走入鄉下嘅屋企，一開始屋企嘅人見到佢番黎好開心，但係見到佢囖住支手槍，問佢做咩...我系企系屋企門口，之後聽到一聲槍聲，然後聽到我麻問做咩射低佢（屋企人）！之後我爸話系走火，但係無幾耐又幾下槍聲，所有人好似死嗮...我當時咩都無做，又無阻止佢，聽到無情嘅槍聲，唸到屋企人比人槍殺，我好憂鬱，咩都做唔到...
之後仲有，我老豆同我講，以後D人見到你有錢就會對你不利，我幫你殺嗮所有你識嘅人（現實生活嘅老豆根本唔系咁，佢系死板d，但好正義），之後我就目睹佢殺嗮所有我同學，然後埋尸，我驚醒左...但係再訓番又夢見咁嘅情形...個夢好清晰。我好煩，因為我本身對夢有唔少理解，知道夢某程度上反應人嘅慾望，我好驚自己會變成夢入面嘅老豆咁。
我無可能會睇心理醫生，因為無錢。
點算，我好驚...