✔ 最佳答案
台灣係最容易去既旅遊勝地,無論籌備及去到當地均非常方便。因為台灣唔單止近,來回班機極多,消費非常平,而且當地寫繁體字,講既係最純正無口音國語,香港人係台灣會非常舒服。
因為台灣旅行太易搞,所以我從來唔推介人跟團。我去幾次台灣都係自由行,尤其是樓主只係去台北,以呢個現代化大城市既方便,完全無跟團既必要。至於票價,唔同買法價錢差異頗大。最平係機票酒店完全網上訂,尤其是機票,國泰 Fanfare 賣既台北來回機票平到無人信,最低可以唔駛$1000港紙。平機票好緊要,因為慳番既錢可以住好少少既酒店。而且,雖然同樣係來回台北,唔同航空公司既質素差異好大,國泰、港龍及華航當然係最好,長榮聽聞都幾好,其他既就唔好有太大期望。
至於酒店,本人從來唔推薦住青年旅舍,因為質素唔好又要同陌生人住,財物安全無保障。樓上朋友提議既民宿都唔錯,但其實台北旺區3星級左右既酒店只係幾百蚊港紙一晚,質素已經非常好,而且交通極為方便,有不少直情係地鐵站及台北火車站隔離,去邊都方便到不得了。
如果樓主唔係好識係網上訂飛,去各大旅行社辦理自由行係幾好既選擇。每一間旅行社都有台北自由行,揀間價錢啱既就得。搵旅行社最大既唔好處係佢地食水較深,你比同網上預訂差不多既價錢,但機票及酒店既質素就可以差好遠,但如果你真係新手唔識攪,搵旅行社一站式處理好晒都唔錯。無論用邊個方式,去台北6日5夜一個人大概要$3000 - $4500 左右,視乎你逗留時間長短及機票酒店質素不同而定。
如果樓主係香港出世,只要有特區護照,就可以上網辦入台證。處理完後係即時可從電腦印出來使用,非常方便,樓主可以去搵下。
國泰 Fanfare﹕
http://www.cathaypacific.com/cx/zh_HK/latest-offers/flights/fanfares/
入台證申請﹕
https://niioa.immigration.gov.tw/NIA_OnlineApply_inter/visafreeApply/visafreeApplyForm.action