請問有冇財經高人答我呀？

幾個月前係另一個討論區都有人討論過呢個問題,當時咁緊係未大升市啦,大約估計長和既關係,個市至少會拖住唔會點大跌,再計埋誠哥想反映價值既財技因素(唔係為左咁攪黎做咩?)以PB提升至1.2計出大約係200蚊多D.

咁而家升左市,應該係話個市點都拖住1號升(冇記錯佔恆指6.5%),即係首先你認唔認為個市升,唔認同就用另一種睇法,認同就計算每升100點,長和應該升幾多,折讓於恆指,就買入,出現溢價,就沽出,呢個操作就簡單D.

而你問買邊隻好,超難答,而家買股(唔係細股,係大股),好彩一日升10%都好平常,真係唔識答,早D起身睇下電視推介咩啦.

不過提一提你,當日所謂計出200蚊多D只係純以當日環境計算,假期後大升市,第2日既升市係全線藍籌報捷,除左3隻要跌,就係長和,電能,和黃.

此一時彼一時,如果大牛市,D人又未必要買你長和,D人係咩人真係唔知.

PS:一見你話係退休人士,手都震埋,辛苦錢黎架,睇路呀大哥!

2015-04-12 00:41:52 補充：
喂,買一手長和講緊成8萬幾銀,比10分咁小架???

2015-04-12 01:05:29 補充：
講清楚,買同唔買,我真係冇咩意見,因為長和實在太複雜難明,舉個例,3個月前,開始研究緊佢到底係綜合企業定係地產股定係終極變成公用股,但無論點計,佢既PB全部同於同行,息率亦唔係理想(唔計特別息),但股價就贏哂,即係市場就係冇得解.

2015-04-12 01:05:45 補充：
長和仲有一個終極問題要面對,就係李嘉誠終有一日會死.呢樣野我曾經諗過,佢到底係咪想淡化李嘉誠=長實,所以就改組成長和呢?因為今時今日肯買長實,絕大部份原因就係因為佢,冇佢既長實仲係咪長實?而外面又真係好多人計緊李嘉誠溢價應該值幾多蚊.所以我估計佢想將生意儘量轉為回報穩定既業務,至少維持穩定派息去支持股價,如果佢係咁諗,實際上又係咪得,係一件事,你認唔認同咁做係岩,又係一件事.

你退休,應該易明白呢點.

2015-04-12 01:22:00 補充：
見你退休,醒D好野比你.

咁呢,股東大會每年都開架啦,有D就有自助餐食,咁2老一人買一手,每年去食個免費自助餐,收多少息,又可以當去下街,唔錯啦,而且都係幾千蚊一手,食幾年咩都番哂黎.
咩股票有自助餐食,號碼我就唔講喇(應該唔太難諗得到),自己研究下啦~

2015-04-13 11:13:15 補充：
除左隻股票實力,幾錢買入都係問題.

譬如匯豐銀行倒閉機會都好低.......咁07年140蚊買左即係點呢?

長和今次先唔理股價,但大力投資歐洲呢單野真係幾難明,第一係咪為左分身家?投資落水電廠的確係較易計出價值.第二點解會係歐洲而唔係亞洲?一路一帶,佢點會唔知,點都有D風收到.第三就係,歐元如果大跌,投資回報點好都會比匯率拖死.

同埋仲要睇埋長地,因為我好肯定佢點都唔會變賣長江中心(置地就算走人都打死唔賣中環D樓),以前佢點將人地拆骨,亦好明白他日人地都想將佢拆骨,所以我會等埋長地出世再睇睇咩事.

購入長和（0001）與和黃（0013），都是穩中求勝的投資取向，尤其對於風險承擔較低的投資者，這是不錯的選擇。
李嘉誠是亞洲首富寶座的常客，亦是資本市場的長勝將軍。因此，能夠站立在財閥巨人的肩膀上，幾乎是立在不敗之地。