廣東短線遊跟團問題

想問下關於跟團問題,達美XX, 滙景XX呢類旅行社,我見佢地d廣東團真係平過自己去好多,其實會唔會要人買野ga??因為見佢地標明純玩團,但行程都有寫到去乜乜市場,乜乜超市咁,要係呢類地點停幾耐?如果唔買野會點??同埋佢地d溫泉團,事實上大家參加過可唔可以講下浸到幾多時間到,因為可能日間有其他行程要夜晚先返到溫泉酒店。其實廣東真係好多野玩,但香港人好似得d大媽多參加d廣東團,事實是否如此?大家有無同朋友或一兩個人參加過上面個兩間旅行社嘅團,可以分享嗎。完全無靚女靚仔參加的嗎?佢地吃野會點樣安排,導遊安排的嗎?如果同朋友兩個人參加會唔會被人邊緣化。呢d團歡迎年輕人嗎?之前係討論區見過有人講有一對年輕小情侶參加,俾人玩,後來導遊安排佢地去其中一枱吃飯(討論區分享呢件事個位朋友個枱到吃飯),如果唔係飯都無得吃咁話。同埋跟團個d人係咪都係吃飯或吃野個陣會搶食(想不到香港人真實質素會如此),因為討論區d人都講得幾多。佢地d旅行社建議每人每日俾費用俾導遊師機,咁係導遊俾,然後師機俾加埋每日0??定導遊師機加埋先每日??大家參加過可唔可以講下你地一般俾幾多?仲有例如佢地d酒店房,例如住豪華房你可唔可以加錢換溫泉房露台房咁,會唔會加好多?因為本人從來沒跟過團的,所以多野問佐,希望大家可以盡量祥細d,可以分享下大家親身經驗,如有咩其他注意都請講下。感謝

(希望大家唔好同我講話講到自己乜都驚又唔識，點解唔自由行？)