食水好黃因為鐵銹

🪑 家居台保養及維修

[匿名]

2015-04-06 7:50 am

我家嘅水係由天台（25樓）水錶，一路行外牆鐵喉入我屋企（10樓）嘅銅喉，但水黃得好緊要，想請教下咁多位：

一。如果換條鐵喉（25樓 - 10樓），大慨幾多錢？
二。廚房已經有裝濾水器，但沖涼位無，想裝番個，有無強勁嘅濾水器？幾多錢左右？（試過ecosway同Portacel都無效）
三。有無過濾全屋食水嘅系統？幾多錢？大唔大規模同工程？
四。呢排聽聞清洗水管，有無效？幾多錢？包唔包非室內部份嘅水管？

謝謝！

更新1:

唔關水箱事，大廈洗咗水箱都係咁。出事位係水錶直至我屋企外面果段鐵喉。

更新2:

請問清洗水管大概幾多錢度？

回答 (5)

Helen Lisa

2015-04-06 5:43 pm

✔ 最佳答案

鐵喉生鏽，影響食水變黃，一定要換銅喉，否則沒辦法。

一。自己一戶人承擔換喉工程，會十分昂貴。試想祇是棚架一項，已需幾十萬；銅喉材料需五萬，工程費又大約五萬。如果由大廈業主立案法團推動，各戶小業主分攤的話，會經濟點。
二。濾水器的成本不輕，如果祇用於飲食，濾心可能每月換一次。但如沖涼洗衫也用，可能每星期換一次。
三。過濾全屋食水嘅系統，在大廈家居中並不可行，因為濾水箱有相當大體積，而且營運維修費用，不是一般家庭可以做到的。
四。家居水喉，最大直徑不超過一吋，不能用刷清洗，祇能用水沖洗。渾濁水沖走變清，但經一個晚上，清水又有鐵鏽，又變渾濁，循環不斷，令人氣餒。

我家也忍受了十幾年黃水侵擾，最後五年前老爸向大廈業主立案法團要求換入屋水喉；自己室內請師傅換晒所有鐵喉，總共用了七萬元才搞掂。用錢當然肉赤，但在大廈業主中游說共同參與更困難。

👍 0 👎 0