在香港讀會計, 找那些課程較好??

你係要乜程度會計班？單講大學或者公開試，香港大把學校有會計讀，就算會計都分幾隻公開試，程度不同。

香港大把大學/大專如三大，城理浸，公大，嶺南，樹仁，恒管，珠海都有開，甚至自己大學附屬院校亦都有開。公大有開會計學DL，下面有網址，不過報之前查下係唔係專業團體認可，唔係無謂浪費自己時間金錢讀。

LCCI 1-3級接近舊學制中五至中七程度，apply會計文員通常要有LCCI 2/3合格。工X會，香港X專，聖X斯都有得讀，甚至你覺得自己有能力/中學讀過但仲記得既可以自修考，LCCI無要求過一定要經學校報，不過學校報會平d。

如果你要專業方向走，就要考QP或ACCA，考試要求自己上網查。QP要上HKICPA安排的workshop。WORKSHOP係一定要上而且合格，否則無得考試。

出面有QP同ACCA應試班，如香港X專，FXMS, KXXlan, XXU SXXCE都有開，專業試補習班分為intensive/education同revision，前者主要增強基礎，教授內容及考試技巧，後者著重鞏固同重溫前者內容，加強考試技巧同比試卷你做。有啲學校會有特別course如知識係熟但欠缺考試技巧嘅人。補習班係好貴，以某間為例，一個module上revision起碼六七千，貴過HKICPA module fee + exam fee。

會計行業注重學歷，你有專業資格但無學歷都無用。讀雞精班多數係本身有工作而工餘進修既人，而佢哋入職前已經取得相關學歷。Big4要求大學畢業（唔一定要會計畢業），但嶺大，樹仁，珠海，公大同top-up係非常少人入到Big4。

Big4雖然到peak係好辛苦，有D人捱唔到3年已經走，甚至身體大傷，但咁多人想入係有原因。加人工快，涉獵既野多，3年後轉去大公司比較易，因為部分要你有Big4學歷，但轉工唔一定加人工，而且競爭唔細，一份工可以幾十個做過big4去爭，當然有人refer你就最好。

相反你去local CPA，新人$10K月薪都冇，好少(甚至無)上市公司客戶(包括附屬公司/子公司)，有無機會升職要睇公司制度，甚至做壞手勢，考到牌再搵高級工作會比big4難。

讀會計唔一定要做會計，我識人做teller，HKU出過畢業生問卷亦有人去銀行做或者政府工。

香港大專院校都會有的。。。。你想知道的話？？可以what's app 90977698！！

其實公開大學+QP是最快的, 其他都是彎路, 但如果要平, 最好考aat+conversation course+QP, 但要很多年. ACCA又長又難, 不要想了, 而且ACCA只是在香港有用, 英國都只是流的, 國際地位連澳洲都不如, 要易去考澳洲水皮大學更好. HKU Diploma 只是浪費青春.