難題求教〉綠表居屋按揭貸款問題-申請人曾破產

是咁的，母親是公屋戶主、家庭主婦61歲沒有收入，父親（不是戶主但在公屋家屬名單內）已超過65歲，曾破產，於2011年收到解除破產令，自僱人士收入不穩定，二人以家有長者綠表抽今期居屋，有機會選樓，問題是按揭貸款方面，因規定要父母二人聯名買居屋(睇過有關條文同問過房署，因父母以家有長者條隊去抽，如買到新居屋一定要以公屋戶主加長者名共同擁有，所以焗住要加父親名）咁銀行就要睇曬二人TU,問題就出現⋯ 父親曾破產是否很難申請到按揭貸款？本人月入約37K，問過有些銀行可以我供養父母作家庭收入證明可批，但有銀行話父親曾破產一定唔批，有銀行又話睇情況，請問各位知唔知此情況下是否很難申請到按揭貸款？另外據我所知父親於解除破產5年後即2016年環聯會刪除其破產紀錄，雖然例如他曾欠滙豐錢破產走數，滙豐會一直keep佢啲欠債紀錄唔會批按揭，但如果搵一間佢未曾欠過債或開過戶呢？到2016年時環聯刪除資料後果啲銀行會唔會知佢曾破產有冇機會批呢？
我無能力買私樓，但稍有條件買居屋俾兩老改善環境，又會交番公屋俾有需要嘅人，將來兩老百年歸老我亦可繼承居屋當長遠投資，諗住係win win win 三贏，但無諗過父親方面的破產陰霾仍然有影響⋯他2007年破產（自營生意經營不善)，2011年收到破產解除令⋯請各位如有任何意見或資訊請吿知，麻煩幫幫手，不勝感激thanks a lot!