在HKU 讀緊Year 3 A& F, 讀完後有乜前途？出路

Mandy 妹妹真係唔知 Account & Finance 畢業後要做乜﹖呢個系基本上係香港既咁多大學課程中算係出路最闊最明確，如果話到明去做會計或金融都唔算有出路，咁我就真係唔知咩系先至叫有出路。


會計及金融係香港最大最吃香既行業之二。雖然本人唔係呢兩行，但呢兩行因為太有名，所以出路及發展幾乎人所共知。如果做會計，入行後通常係公司做基礎文員或Trainee 做起，然後就循專業路向發展上去成為會計師。至於金融，大致上有兩個方向，一係就做Financial Planner，即係金融產品Sales ，或走計量金融既方向，係back office 做分析。以上幾行都好多人做，各有各既辛苦，但亦各有各既光明前途，樓主係港大畢業，係十分好既起點，讀得唔係太差肯定有不少工作做。

HKU自己有career survey講過往畢業生去邊度打工，下面有2013結果。
其實呢啲嘢你入讀之前已經要了解，好過你讀錯科先知道你想做個行要某科畢業先後悔就遲了。同埋如果你想搵好好人工工作，係要大學呢幾年入面已經要build好自己portfolio，唔係臨final year先衝刺。到9月你就要開始搵工，大公司9月已經開始招聘fresh grad下年返工。