二戰法屬越南

樓主問既問題有D難答。因為法國係歐洲係總崩潰亡國，理論上及實際上勢孤力弱既法屬越南面對日寇極難反抗，失陷係最自然既事。不過作為一個問題係純理論層面幻想下，其實都幾有趣。

若越南守得住，小弟認為對中國來講唔會好得去邊。唔好忘記係抗戰早及中期，西方列強除美國及蘇聯之外，對中國係非常之唔友善。係新加坡及整個東南亞淪陷後，中國被大部份國家孤立，只剩下滇緬公路及駝峰航線維持抗戰力量。可以想像，就算越南被法國奇蹟地守住，維琪政府為左唔得罪日寇，對中國抗日肯定即時保持中立，甚至連開放港口、公路及機場比中國補給都應該唔會。

而且，以小弟對維琪法國既認識，呢個政權係非常無種，面對納粹唯唯諾諾，因為佢地好驚德國會吞併整個法國。所以維琪法國唔會好似當時既西班牙及葡萄牙咁保持較為公道既中立，比反納粹盟國既人流及物流出入，而且因為納粹既壓力，維琪法國越南甚至有機會為日寇提供後勤支援，雖然我覺得維琪法國唔會直接參與中日戰爭。

上述觀點有少少根據，就係法軍對美英聯軍入侵法屬北非既反應。雖然火炬行動算係好順利，但實情係法屬北非確實有反抗，盟軍亦有不少人犧牲。而1940年法國淪陷後，英國派過艦隊去北非摧毀法國艦隊，法國海軍不僅無投入英國陣營，兩國海軍甚至有交戰過，亦有法國水兵寧願鑿沉自己既戰艦都唔想益英國。維琪法國成日想係國際上顯示自己獨立自主，但事實上佢地大部份既政策及行為係親軸心國陣營，法屬北非及法屬摩洛哥既表現就係最好例證，所以即使法屬越南守得住，法國人都會用呢個地方來幫日寇居多。

有趣既係，即使維琪法國幾順從希特勒都好，最終法國全境仍然係1942年11月被德國全部佔領，法國於二戰係徹底失敗，其表現比艱苦抗戰既中國差得太多。

一起玩情趣用品網路商城，提供成人情趣用品、情趣內衣等，全省宅配到府、超商付款包裝隱密，歡迎參觀選購。

一起玩情趣用品官網：http://www.17one.net

一起玩情趣用品粉絲團：https://www.facebook.com/17one

點解樓主這麼喜歡問一些假設性問題??
但又唔去了解當時的歷史環境、背景........
世界大事，很多是有其必然性；無論你點樣更改條件，世事發展結果都一樣。
只有簡單或個別事件，才有其偶然性；因為所牽涉的條件少，改變一個條件，影響才會大。

關於樓主所問﹕"法軍守得住越南"這假設條件，根本就完全唔成立。
就算守著第一波攻擊，後續都無以為繼。實在無法考慮對中國和日本會有甚麼大影響。
因為歐洲的法國，都要大敗於德國；遠在東方的一個植民地，能有甚麼的支援????而總督又幾有決心去守護該植民地???
你可能會覺得，法國是有較先進的機械化部隊，可與日本對抗；但實際上，當時的越南及中國，都是個落後地區，能支援法國的作戰是很有限。
越南雖然近中國，但地理環境，對海路進攻，是易守難攻(大形艦隻難以駛入)；因此日本都要繞路進攻。
而日本作為進攻一方，必定會預計足夠軍力，才去進攻；這是很顯淺的道理。