分手定唔分手好。我唔知點算

我同男朋友拍左2年，最近分左手。我第一次拍拖，冇咩經驗，所以我唔知點做。
佢成日管我唔可以同男仔講野，講一兩句野都唔得。就例如有時學校分組做報告，組內有其他男仔，佢知道左就發火，唔比我同組內男仔講野，又查我手機。又例如班主任掉位，咁岩掉到我係個男仔旁邊，佢知道左又發火，，同我講要分手，仲屈我同男仔上床。唔止咁，佢每次唔止會發火，仲會傷害自己，包括撞頭打心口。所以我以家都驚左佢，我唔敢再同男仔講野。之前有個男仔要求同我影相，我都彈開十尺遠。
我同佢傾左好多次，嘈左好多次。我講比佢聽我想有正常既社交，我叫佢相信我。佢叫我比時間同機會佢去改，仲話如果下次係咁就同佢分手。但次次我都因為心軟原諒左佢，叫佢再改。就係咁拖左一年，我比左一年時間，差唔多30次機會，佢仲係咁，冇改過。
分手原因仲有另一個，就係佢太悲觀。佢成日冇理由咁灰同傷害自己。佢成日講到世界放棄左佢，講到自己好慘好慘，好黑仔，話自己條命唔好，死左佢好過等等(其實佢係小康之家)。我問佢點解灰，佢又答唔出，佢話佢天生就係咁，仲話配我唔起。我知佢有少少精神病，所以我一開始都忍佢同安慰佢。佢有去睇醫生，但醫唔好。我接受唔到佢日日咁悲觀。佢頭一年唔係咁，跟住因為佢知我地2個分左唔同班之後，佢精神病就愈黎愈嚴重。
我講左同佢分手，但佢話佢會改，我都知佢好中意我，我都中意佢。但我就係接受唔到佢呢2樣野，我覺得好累，唔想再拍拖，我唔知點算。佢覺得我係中意左其他人先唔要佢。其實我自己有冇做錯？我應唔應該仲同佢一齊？定係放手好d？