我係男仔，但好怕比人見到自己身體，是否正常？

我由細到大都唔知點解好怕比人見到自己身體，即使大家都係男仔都係咁。
所以我由小就連去廁所用尿兜都唔敢，因為覺得企係我隔離既人會望到我下面就會好緊張，痾都痾唔出。有時要係更衣室係其他人面前要換衫時我都好唔習慣同埋想盡快換完，而如果要除哂衫褲既話我就完全冇可能做到（例如去游水要換泳褲時或沖身時）。

但係我身邊男仔朋友都唔係咁，佢地覺得大家都係男仔所以比人睇到下面都冇所謂（例如佢地會一齊去痾尿、係更衣室咩都唔著行黎行去、甚至開玩笑咁show比人睇tim），佢地又會笑我點解咁怕醜，話男仔唔應該咁怕醜等等。

究竟我咁樣算唔算唔正常？有冇人都係咁？同埋我想知道一般男仔係廁所／更衣室會唔會望人地下面／身體，定係我太過擔心呢樣野（但我真係好怕比人望到）？同埋有咩方法可以解決呢個問題／令我習慣到呢件事？

謝謝。