兼職要否交稅?

你要唔要交稅我就唔清楚,但就肯定你要報稅.

2015-03-11 12:42:47 補充：
任何係香港產生既收入,都需要報稅,稅局就會計算你要唔要交.
但你係唔可以認為自己唔需要交,而唔去報稅.

呢樣野又係講緊,唔報未必會理你,但抽到你黎查,你就要向稅局解釋.

2015-03-11 23:17:47 補充：
如果係利得稅,你應該先申請商業登記,開無限公司.
如果係薪俸稅,你就要開有限公司請番自己.
其實執正黎做,你係需要商業登記.

其實報稅係有好處,呢個係入息證明,而且扣埋免稅額,未必要交.
而開商業登記,都一樣有好處.

2015-03-13 10:39:32 補充：
凡係香港透過商業活動而收取利益,都係需要商業登記.
而個別行業,更加需要就其營業所需牌照.

譬如你話補習班,某個人數以上就要向教署申請.
譬如電器維修,就要有個電業承辦商牌照,再由持牌電工負責進行.

坦白講,呢d野好多人都偷雞冇做,唔通做小販又申請商業登記同埋報稅咩. 冇事果陣,就算賣白粉都一樣冇事,點去做,你要自己決定,我既責任只在於,話比你知,咁做係有小小問題.

2015-03-13 21:40:12 補充：
其實香港既稅制係簡單而且自由,係香港,唔報稅只得一個問題,就係D錢唔見得光,意思就即係話,你搵既錢只係夠開飯,基本上冇人會理你,但你就唔好發達,否則就會問你D錢點黎,理念上就係,唔見得光既錢就即係唔係錢,所以亦有所謂洗黑錢既活動.

你講既幫手照顧小朋友,到底算唔算呢?兩樣野,有冇收錢,有冇合約,包括口頭,例如講明每個星期幫忙三日,咁已經係商業行為.

過萬都未必要交稅，兩頭住家，四條化骨龍，加埋老豆老母，政府仲爭佢好多。

They cannot need to pay the tax, for example, my privide toturia teacherl