大嶼山大佛同埋去愉景灣玩

去就以任何方法 (地鐵、巴士、渡輪等) 去東涌, 然後再坐纜車上昂坪.
纜車車程約25分鐘, 不過纜車排隊可能要一個鐘以上, 假日可能要兩個鐘先上得.

昂坪你就話過想睇大佛, 預30-40分鐘左右 (上落各5-10分鐘, 視乎步行速度).
亦可到昂坪市集/寶蓮寺睇一睇, 每度行15-20分鐘都已經足夠, 話哂重點都係睇大佛.

去愉景灣就有兩個選擇, 一係搭纜車/23巴士 (車程約40分鐘) 落東涌轉乘DB01R專巴入愉景灣 (車程約25分鐘), 不過咁就會走回頭路.
亦可乘搭2號巴士到梅窩 (車程約25分鐘, 不過班次好疏, 請參考時間表), 然後行大約兩個半鐘山過去, 咁樣就唔駛落返東涌. (行山徑詳情可到 http://www.hike.hk/load.jsp?route=mwdc)

愉景灣本身只有商場同民居, 睇就唔多, 不過你可以喺嗰度食埋晚飯, 然後到沙灘一齊觀賞對面岸迪士尼煙花 :)
走就可以搭DB03R專巴返欣澳地鐵站或者搭船返中環.

去昂平可以去東涌站搭吊車，落山搭愉景灣巴士DB01線，走人可返東涌，或DB03到欣澳站，亦可搭船到中環，搭船較貴。