關於samsung手機問題

iphone的輸入法十分直接簡單，你可以獨立選用英文+倉頡(或手寫或筆畫等)+EMOJI。然後用一個地球鍵穿梭選擇。而且SIRI也可用作輸入，而且識跟你現時係中定英。
ANDROID則係一個天大問題。成也鍵盤，敗也鍵盤。
好處係你APP MARKET有極多鍵盤可選。例如英文輸入的SWYPE是一偉大發明。不過這設計對西方只要一個輸入法的人可以。對香港人，最少要英文加一個中文。
三叔鍵盤可說『偉大』發明，把英文鍵盤加英文手寫再加中文手寫加中文鍵盤(四五個不同)組合，LAYOUT好似有七八個咁多，轉模式公仔就一時係支筆，一時係鍵盤，一時在右，一時在左。舞佢一星期都同佢唔熟。而且不可分割。其實真係多餘，我用筆畫就唔會倉頡，用倉頡也不會要速成。佢總之一堆畀晒你。(英文要手寫做乜??)
大多數人會到MARKET揀過另一個。不過你可能中意呢個英文鍵盤(例如SWYPE)，但中意三叔個中文手寫，咁你就煩，因為轉輸入要由頂撥下，進入設定揀另一個輸入法。
如果你需要中英日韓等，咁你呢個動作會做好多次。
(若你選的由同一公司出的中/英鍵盤則可能有個特定鍵轉換。較方便。)
其實你要的EMOJI有鍵盤可從APP MARKET下載，不過會同以上要轉輸入法咁煩。
所以WHATSAPP自行在個輸入BAR自己有個EMOJI鍵盤，方便多。但若你用EMAIL/SMS等就大部份程式冇符，一定要另裝EMOJI鍵盤，轉輸入也得從頂撥下再選。打完又來一次轉翻轉頭。
我老細要打埋日文。次次都要揀來揀去。媽叉一個月後依家冇聲出。android is different.