奇怪日本公主夢

尋晚我發左個好奇怪的夢，而且醒左之後訓番又再發過，斷斷續續甘。
内容係甘既，我突然做個日本公主，但個名就唔記得(有兩個名)，不過我係夢入面曾經好開心甘同人講，第一個名好似係兩個字甘上下。
有人帶我周圍行，行行下左邊有道磨砂玻璃門，我好奇推入去(道門大到好誇張)(跟住突然變左第三者角度，我睇到自己推開門，仲笑笑口甘。)，(變番第一生)就見到前面有個用透明玻璃隔住既泳池。有個感覺生得幾靚仔既男仔企係泳池中間，仲係溼住身添，著住紅色泳褲(唔知點解好記得)，但係佢個樣就唔記得。佢一見到我就微笑(好似佢同我識左好耐甘)，泳池隔離企左個男人。果個男人同我講左d野，但係又唔記得左。泳池後面有塊透明玻璃，再後面有座相連的中空建築。我後來問佢果座建築入面有咩野，佢就逐層話我知。
跟著我就行左係條路上，聽到後面有人係度話「阿輝」(我唔知點解好似知道佢就係果個泳褲男)買俾我條裙著得我最好睇，聽到之後我唔知點解垂低頭係度笑，仲睇到藍色的裙腳，上面有d花紋，唔記得係色，隻腳著住黑色高爭鞋。前面好似有人係度行緊，但係唔知係咩人。
後來我同三個男仔坐埋一齊傾緊野，講講下佢地就好似要趕住走甘叫我走，話如果再唔走，唔知邊個就會閙佢地，(跟住突然變左第三者角度)仲笑笑口甘輕輕拍下我個頭(我見到自己又係到笑)。
之後我見到細個既自己係一間豪華既房入面，同埋夢入面既媽媽一齊跳舞(兩隻手係頭上面整成心形)。場面超溫馨又感人，不過我都唔記得佢個樣。
最奇怪既係，夢入面所有人既名我都唔記得，連自己既都唔記得，就偏偏淨係記得泳褲男個名。
希望各位高人能夠幫忙解夢，令我知道呢個夢到底點解。