系吾系我個性格真系好有問題??

係你講既野當中發覺好多野你都覺得理所當然
同你份人過份直 咩都表露晒出黎

例如:
1. 就算我冇講粗口,但系系語氣上聽起上尼就已經好似講緊粗口. 但我自己系各得冇乜問題.
2. 我心諗:岩岩入尼做戈陣吾識人,表現乖系正常.識落之後米知我ge真面目lo.
3. 我份人系好容易嬲 容易炆. 遇到吾開心ge時候會黑面.粒聲都吾出.

好多人其實係唔鐘意直腸直肚 講野語氣強硬
你自己作風就豪無修飾
難怪咁多人唔鐘意你

再者你俾人話好乖好聽話,點解越做越衰,越做越差
我相信人地真係講緊你既工作
開頭好博 之後就好HEA

其實當你遇到信任既人, 或者安全的地方, 就會好自然表露出最真的一面,
呢個其實唔只係你所講既「問題」...其實好多人都有呢個習慣~~~
所以我地先要在唔同場合, 唔同身份, 就要有唔同既表現~

工作上, 其實大家都要表現克制, 未必個個都要做朋友咁表露最真~
因為始終大家都係為公司工作, 係合作伙伴的關係~
如非必要都唔好對人無禮貌, 正如同事都唔應該對你無禮貌一樣~
而且你所講黑面, 就你的工作類別, 應該都要盡量避免, 需要服務至上

朋友方面, 總有人會欣賞你直腸直肚的性格~
但大前題係大家已經有一定交情, 互相了解, 同埋願意接納你的性格~
咁先可以真正毫無保留咁表達自己~

舉例講:
如果初初識你, 覺得你好人, 啱傾~~但慢慢竟然發現你咁粗獷...
要接受都未必係容易既事, 甚至會覺得你之前一路扮斯文, 接受唔到你呃佢~
(咁就正正同你觀點有唔同, 你覺得識得耐先出真面目, 但呢班人就覺得...識耐左就變質)

所以或者提醒自己...
粗魯可以代表個人真, 但亦都有機會好似「冇禮貌」,
有時禮多人不怪, 可能自己笑多D, 對人溫柔D~
都有機會改善自己容易嬲、容易炆的情況...
字裡行間感受到「我就係咁直, 咁火爆」既感覺...
如果你都容許自己唔克制.....咁就其他人都好難幫到你~

最後...其實每個人都有自己的優點及缺點~
以上文字唔係要講你點先係啱~點先係錯~
反而係希望你明白~對唔同人好難用同一套的模式相處~
同埋你要知道自己其實唔一定係「好差」,
總有人會欣賞你, 起碼你都要搵到值得欣賞自己的地方~!

希望你慢慢搵到方向, 祝福你。