腳無故瘀左

我以前未試過有呢D情況發生,係最近呢一年先開始有
起初都以為係撞到自己唔知,但近半年瘀多左好多
因為我之前係做侍應既,對腳長期都係企,有時發現有D好細好幼既血管長期都睇到
之前去揼骨都有按摩師同我提過我可能有靜脈曲張,我想問關唔關事??
我而家轉左做文職,但瘀既情況有多冇少.
有一次係瘀得好大一撻,係小腿後面,另一次係瘀係大脾內側,係瘀係D好難撞到既地方
最常見係瘀係小腿前後,大脾,膝頭位置,但我真係完全冇撞到過,聽人講好似係有病先會成日瘀,想請問係咩咪呢?
我之前都有睇過類似既問題,但我D瘀多數都係偏暗紅色,之後變紫色,好似冇黃色,綠色
同埋我以前有去捐血,驗血個陣都冇話我D血有問題,但因為而家咁所以我都唔敢再去捐血,想問問有冇人幫我解答到,謝謝!!!