✔ 最佳答案
呢個運動,有好多重睇法,最大陰謀論係美國透過香港,對中國宣戰,過去5年,美國已經打左7個國家,手法相近,先透過文宣工作,向市民推銷民主,然後引發族群撕裂,製造社會問題,再用革命口號去試圖將政府推翻,最後經過連年內耗,利用借出美元,再以國家重要資源作抵押,成功地擁有一國而不費彈藥.
另一重睇法係,香港人應該如何自處?呢樣野,首先要分出政策問題,定係政治問題,舉個例,運動要求真普選,但叫梁振英下台係錯,因為針對係政策而非個人,佢下台係唔可以解決問題,而在於工程層面,將力量分散係不智,最後個運動變成反自由行又有,打水貨客又有,負責人冇能力將運動力量集中一點,市民係完全唔明白到底想點,難以支持.
最後簡單答下你,點解可以佔領咁多日,第一係北京默許,第二係有人係經濟上作出重大支持(食訓痾全部要錢),第三係特區政府戰略上選擇以時間換取空間.
但都真係要有人肯訓先得喎,咪就係大家都各有怨氣lor,買唔到樓,搵唔到野做,工時長.......大家都集中相信,有普選就可以解決問題,變左大家就可以集中埋一齊,呢d就係前期文宣工作做出黎既成果,不過今次時機上未成熟,我個人認為係一下子做過火,後期亦係收唔番,主要原因係太多學生,佢地既論述就算係幾咁有力,但操作運動呢下野始終唔夠經驗,但勝在年青,有時間改進.
2015-02-25 13:38:18 補充：
我自己係唔會選擇二分法去睇呢場運動,79日,政府有錯,學生都有錯.
譬如,我支持真普選,但唔一定支持佔中;支持佔中,唔代表支持衝擊政府建築物.
所以,你如果想多角度思考,就唔好只用正反兩面去睇,要用一個國際視野去睇,問題源頭係來自美元問題,而又基本上地球係冇一件事係唔關美元事.
