對一個男仔一見鍾情....

咁啦。。嗰日我同爸爸媽媽等緊機場巴士去機場，突然有對父子排喺我地後面，咁過左一陣，我爸媽就勾搭人地，發現佢地都係去韓國，而且同我地搭同一架飛機去&番
嗰陣時我都覺得個男仔幾型，雖然唔算好靚仔，但係對我嚟講係ok..
之後去到機場我地分散左，但係之後都撞左兩次
落機都撞到一次
然後最後一日喺韓國，喺明洞條街都咁啱撞到佢
最後由喺仁川機場再撞到佢，直至番到香港機場拎行李，拎完之後我地又撞到，仲搭同一架機場巴士喺同一個站落車
聊計嘅時候發現，原來佢地同我地住得好近，行一段路仔就喺對方嘅住宅
我個人都角得同佢幾有緣。。因為佢話佢之前都見過我。。
然後就係咁。。我好似鍾意左佢。。
鍾意佢嘅其中一個原因係因為佢嘅笑容，真係好好睇
第一次佢喺機場對住我笑，係尷尬feel
第二次喺明洞突然撞到係開心咁笑
第三次機場巴士到站，落車都對住我微笑
另外就係。。喺我地爸爸媽媽傾計嘅時候，我地都有望過對方，有對視過，但係對視左一兩秒就即刻望去第2度，我同佢都係。。但係我都望到佢有時有望住我
我想同佢一齊，但我唔知佢對我咩感覺，我好驚係我嘅一廂情願，我好驚年齡差距。。因為我同佢都差唔多差6年。。我都明白一見鍾情依啲野好無稽，係一種無好結果嘅感情。。但係由嗰日開始，我成個腦都諗住佢，好想再見番佢。。。但我唔知點做好。。我好驚。。真係好驚。。
我無佢嘅聯絡方法，淨係有佢爸爸嘅電話號碼。。
各位大大，唔該你地話我知應該點做。。我未試過好似依家一樣咁困擾。。咁心煩。。咁想見一個男仔。。