懇請地產公司/經紀回答, 向你們搵租盤如何收費?點計算?

首先要知道香港地產代理公司數目繁多,每間公司不論大小其經紀所處理租賃時手法有所不同,但大致上過程都相近

1.租客透過我們搵租盤,在搵緊期間(未成功租住)是否已經要收費?
否,整個過程中經紀只會向租客及業主收取佣金而沒有其他服務費用
而佣金支付一般會在完成交易(簽訂臨時租約之日)支付,一般都會向租客及業主各 收半個月租金為佣金

2.租客可否知道業主身分證號碼? 地產公司會提供?
在正式簽訂租約時.租約內會有雙方部份個人資料包括身分證號碼

3.假如租住期間地產公司結業, 所簽約的文件失效嗎? 資料如何處理?
租客是否失去保障?
地產公司只係中間人角色,文件有效與否取決於是否為已註冊之法律文件及已打厘印,一般地產代理公司結業不會影響租客及業主,因日後續約大多是業主直接與租客洽談

4.例如一年死約完左, 生約加租可以點處理? 搵誰處理跟進?
一般來說業主於生約加租的個案甚少.但萬一真的遇到.根據租約內條文註明業主或租客退租會在最少一個月前作通知.當然假如業主確定要加租.租客自然要另覓新居

5.請問租客一入來地產公司搵租盤, 要做什麼? 填登記咩資料? 有咩文件要簽約?
請問手續和過程是怎樣的?
有咩須知和注意?
直接告知經紀你想尋求的條件,包括價錢,需要傢俬?景觀?層數或自己個人喜好.
文件只有一份叫睇租紙既文件,會有正副留底兩份其中一份比租客自己keep
租賃的手續正常情況下睇完樓覺得合適就睇清楚物業內部有無其他問題要跟進
注意既一般都係 要搞清楚差餉地租管理費邊個負責,雖然宜家大部份都係全包.但係都問個清楚保障自己,第二就係有d咩唔滿意既就要出聲,由經紀去同業主傾.因為一旦租左之後經紀就無責任去幫你處理其單位既問題

最後當然要搵你自己信得過既物業代理

1 經地產公司成功達成交易當然要付佣金，但佣金會有些出入，先要問清楚， 未達成交易不需付款
2 租客同業主在租約上都要有身份證號碼作實，一式兩份，各自保存一份。
3 地產代理在成功介紹達成交易，工作責任已完成，日後有什麼問題都不關乎 他的。
4 一年死約，表示一年不可加租，你不可退租，一年生約表示你有優先權續租，也可以搬走，他也可以加租，但不可終止租約。
5 一般租屋都不會去打厘印，因為多了使費，除非買賣。
6 其實租屋好多都是上網找尋，直接揾業主當然好，可以慳番D佣金，
7 租屋好簡單，唔使驚，
8 如果屋內有傢俱，要先問業主那些是包維修，寫清楚，免除爭議。