我下一歩應該點做?

1)我寫過字條比J, 同佢講叫佢提防一下S, 但係今日J同S玩得好埋, 佢地平時都唔鍾意大家, 到底發生咩事?
回應:
其實唔肯定佢地發生咩事...但J同S都有權選擇自己的朋友
可能你覺得佢地平時唔鍾意大家..但亦有機會佢地都有夾的地方
所以如果你已經提醒過J, J都要繼續同S玩, 呢個都係J的選擇
你都好難去控制其他人, 正如你都唔鍾意其他人命令你一樣

2)有個人叫D, 佢好鍾意J , 成日覺得我搶左J, 又唱衰我地, 我應該點做?(唔可以同老師講)
回應:
如果D選擇咁做, 都係佢既決定...你好難去阻止人地出聲...
只係要記住「清者自清」, 如果你地乜都冇, 其他人要唱都冇辦法..
有時冇frd又比人唱, 有frd又比人唱...唔通只係跟住其他人既意願去走???
做自己鍾意做既行, 又冇傷天害理, 就問心無愧!!!

3)我唔鍾意K成日跟住J, 但係J又無咩所謂, 我想踢走K, 我可以點做?
回應:
其實好難踢走任何人, 因為每個人都有選擇自己朋友的權利,
正如...如果其他人叫J 疏遠你...講你是非比J聽...你會覺得點??
只要你真誠對待J, 關心佢、了解佢, J自然會選擇跟你做朋友...
但如果你在J背後做左好多小動作去「踢走」佢身邊的朋友..
最後比J知道左, 你估佢會點睇你?

最後, 比個建議你..
人的身邊總會有好多人來來往往...
如果大家相處得來, 就要好好珍惜...
如果有一日佢選擇左唔同你FRD...其實未必係是但一方的錯...
可能係大家成長了, 變了, 需要既野唔同左...
一切順其自然, 隨緣、惜緣就可以相處得好舒服。
如果佔有慾太強, 可能會物極必反...

希望你早日搵到方向, 祝福你。

我勸你唔好因為鍾意或者唔鍾意你朋友O既朋友, 免得你最終要避左佢地而同你鍾意O既朋友疏遠. 定你想揀係你鍾意O既朋友前同佢O既朋友嘈? 咁會一拍兩散~

每個人喜好唔同, 所以人夾人, 你都想你鍾意O既朋友開心, 就由得你O既朋友同其他人來往.

又或者應該咁講, 你鍾意O既朋友好識撈, 好多人鍾意同佢來往.

唔駛介懷人地話唔話你les啦, 你唔係就得啦! 就算你大個左, 一樣會有阿豬阿狗唔妥你話你les架, hurt你. 如果你咁易被人hurt到, 你會因而失去左好多機遇, 中正阿豬阿狗下懷, 值得咩?

老實說,你阻止不到任何人與其他人交朋友,而且你說別人壞話的話,反而更加顯得你小氣!做人的胸襟不妨廣闊一點!如果你真的不喜歡的話,那就當他們在一起的時侯,你不用理她們就是了!

不過,你要弄清楚討厭她們的原因!如果你只是單純地吃醋的話,我建議你最好改一下這個壞習慣,因為J不是你獨有的人,他有權跟其他人交朋友,而且人的本性都是想認識更加多的人!

如果你是真的不喜歡D,K和S的為人,意思即是,你覺得D,S和K的為人是有問題的話,我認為你都不用勉強自己跟她們好好相處,但是都是盡量不要得罪她們為宜!因為她們對J的態度不等於她們對你的態度!你是擔心J的話,你可以選擇暗中保護她!

總結來說,做人要胸襟廣闊一些,不要計較太多就是了!

我相信每個人都會面對交朋友既問題
我都好明白你依家應該好無奈 覺得你既朋友離你而去
不過我認為每個人都有佢地選擇朋友既權利 作為朋友都無權去控制佢想同邊個做朋友
但當然可以比意見你既朋友啦 ;)
所以根據你第一條問題
1) 我覺得如果你真係想知發生咩事 可以同佢坦誠去傾
因為無論做朋友對人都好 坦誠溝通係可以減少互相猜測/誤會XDD
P.S. 如果你啲朋友話J覺得你煩 我諗你可以諗下原因係咩~ 以免影響友誼嘛 :)

2) 唔知你有無嘗試同朋友其他人澄清下? @@ 但如果佢唱衰你地既程度好嚴重 真 係可以同老師講 因為長期係咁 你地都唔開心啦 :(

3) 都係個句 我覺得我地無權去控制人想同邊個做朋友
不過我相信因為你好珍惜J朋友 所以唔希望J跟啊K 或者其他人
我覺得你既心態要調節下 :) 因為當一個人有控制慾大/嫉妒既時候 會好辛苦架
所以可以試下放下手 XD
當然你又可以多啲同J溝通 互相了解下彼此既想法同交友價值 :) 勇敢多溝通啦!! XDD

希望幫到你少少 :) 加油啊!!!!!!!!!!!!!!!! 祝你開開心心啦~XD

如果仲有問題/煩惱 可於同夜貓成員傾下心事 XD
Skype：[email protected]
Whatapp：9170 3714
夜貓會客室：http://nitecat.bgca.org.hk/
facebook：[email protected]