新蒲崗去荃灣搭小巴快定地鐵快

新蒲崗無地鐵往荃灣，要到黃大仙乘搭，往荃灣線在太子轉車，車程在半小時左右，但不塞車，時間有把握。至於小巴，不是直通車，會遇上塞車，紅綠燈位，在葵涌大窩口區轉來轉去，時間冇把握，遇上趕時間仲大劑，車資又貴。

小巴點都快D,地鐵要兜落太子,仲要轉車,慢好多,而且新蒲崗離地鐵較遠,去地鐵站嗰程都要唔少時間

咁其實要視乎新蒲崗出發地同荃灣目的地, 因為新蒲崗同荃灣並非所有地方都近地鐵站.

荃灣往來坪石架小巴會入新蒲崗工廠區, 並可於新蒲崗工廠區上車前往坪石再搭原車回到荃灣, 不過其缺點係去到坪石要重新等客, 食咗唔少時間.
九龍城返荃灣架小巴會經過新蒲崗西部, 即彩虹道、大成街一帶. 其實嗰度上都會快, 一到黃大仙就上龍翔道入新界區, 兜葵涌無想像中咁慢架, 只係繁忙時間要等幾班車先上到, 甚至要致電留位.
剷除所有等客同交通擠塞時間, 小巴車程五個字左右應該可以.

而地鐵就需要40分鐘左右, 呢個時間已經包括等車同轉車, 不過新蒲崗行去地鐵站既時間就未計.

鑽石山站/黃大仙站亦可乘搭九巴40, 車程都係35-40分鐘左右, 不過放工時間就一定難上車.


基本上, 放工時間最穩陣都係地鐵, 其餘時間就自己選擇啦.