我地到底係唔係拍緊拖??

好蕳單, 你對佢有咁多不满意, 其實你們應該坐低談一談, 你想不等如佢想, 不能說你就左佢好多, 這全是你單方面想! 問下佢有什麼不满, 是不是出了問題, 或者是否不適合等等...............

心結還需心藥醫, 對正下藥才能,

拍左不是太耐, 感情未到最深,早點定奪吧! 朋友!

好多嘢是雙方的, 只是單方, 你知道心中都有答案啦!

我同你情況一樣

你上黎講左好多相處上的煩惱...你有同佢講嗎?

1. 其實分享自己的事都係正常, 因為佢都想你了解佢過去。而且只係得你同佢...佢唔分享自己的事....一係就講同你有關的事...但你地兩個又唔算真係識左好耐...所以各有各講, 都係情有可原。或者你都可以問下佢, 覺得你點, 點睇你, 覺得你係點既男朋友等等....等佢意識到要講下同你有關的事。

2. 佢之前有拍拖嗎? 或者你會心入面期望「女朋友應該識關心自己」...但其實未必事事都係你所講「正常情侶都會關心」...有d人真係唔識...或者唔會做主動...甚而會覺得生病就要休息多d, 所以唔敢打擾你......如果你真係想佢關心.....不如你可以試下嗲佢....「如果有人關心下我/ 肯照顧我就好喇」 你可以睇下佢咩回應。

3. 應該你同佢一齊之前, 佢都應該係一個肥的女仔, 亦都係唔識打扮。當然在你的角度係為佢好, 希望佢健康。但在佢角度...可能就覺得你嫌棄佢.....如果呢一刻佢真係挑剔你, 講出你的缺點, 你又真係可能樂於接受嗎?

4. 重唔重視都係要視乎出發點。如果你心入面已經有個準則...覺得起碼要送咩咩咩先叫有誠意...其實你可以收禮前出聲。其實佢有送禮物, 已經算係有「重試」...但你卻要求更高, 希望送一份合你心意的禮物...到底「如果量度一份禮物的心意??? 重量?? 價錢??? 準備時間???」 定還是如果你真心愛對方, 就算冇禮物都已經覺得滿足?

5. 去唔去對方屋企都要雙方溝通好, 始終佢媽咪比, 都未必代表佢好想你黎, 有時可能佢唔舒服, 或者佢都想有自己空間, 所以都有時唔想你去佢屋企。或者你同佢再傾下, 了解多d係咪誤解左auntie的意思。

6. 每個人心目中都有排位, 可能佢重視朋友, 亦都重視愛情。或者在你的角度會重視愛情多過朋友。但都唔一定代表邊個對、邊個錯。最重要大家溝通清楚, 了解對方的需要, 唔好因為自己鑽牛角尖而破壞關係

7. 你可以向佢提出, 點解咁少搵你。正如佢要工作, 又有朋友, 可能佢都想自己有d時間休息, 未必真係唔重視你。或者都同佢傾下啦。

字裡行間, 似乎你對「女朋友」有一系列的要求, 亦都假設左女朋友應該
1. 關心你
2. 送禮要有心思
3. 主動搵你
4. 重視你多過重視朋友
5. 要識打扮, 要瘦
等等...

你記得當初點解會鍾意佢? 點解要同佢一齊嗎?
如果一齊之後, 你只係記得佢缺點...而忘記了對方的優點
咁你地兩個一齊都會好辛苦...
或者你都要諗清楚...
「你心目中的愛情係點?」
「係咪符合曬你d條件, 就等於愛你?」
「人可以完全符合另一人的要求, 就係完美嗎?」

以上文字唔係想講咩係對, 咩係錯,
最重要都係你諗清楚自己想要咩,
希望你早日搵到方向, 祝福你。

我心諗我地係唔係真係拍緊拖？？

你跟女友有共識已經係拍拖

1：我地每次出街佢都係成日一直講佢身邊既事

可能唔知同你講咩! 亦都有可能想你了解佢多D

2：佢從來不唔會關心我 eg:1我病左,我whatsapp佢我病左,但佢連關心我一句都冇

可能佢其實唔係咁鍾意你, 搵你拍下散拖, 始終女仔唔想比人話剩女

4:佢好唔重示佢第一次: eg：1 我地第一次互送聖誕禮物比大家佢送左條頸巾比我,我送左隻熊公仔比佢,但條頸巾都唔岩我帶太短

佢唔係唔重視你地既第一次, 只係對你唔太上心姐

5.佢應承左我既野佢沒有對現

可能你同佢一齊時間太短, 諗清楚仲未係時候

6.每次都係我約佢出街

通常女仔都係等人約嘛, 加上都係個句, 你對佢黎講可有可冇, 有當然好拉, 冇都唔會太傷心

7.佢從來都冇主動搵我

同上

總結: 不如你同你女友傾傾拉, 如果有心維繫的話

屌，分手啦，仲諗咩？

1. 會唔會係你地冇共同話題 所以冇野講既情況下佢只可以講自己D野
2. 係你病既時間不斷同你講好番D未啊 覺得點啊 講真係會WARM D, 但會阻住你休息
3. 你只係想要一個靚既女朋友 等你出街有得威 你係鐘意佢個人定佢個樣?
4. 你送既野又有幾好??
5. 你唔問下點解?
6&7. 就係因為你每次都約佢 所以佢就覺得佢唔洗開聲你都會約佢 而佢拒絕你係因為大家其實都要有番D私人空間 就算係兩公婆大家分開玩都好正常姐