電腦駁電視做MON的問題

注意係VGA及DVI係不帶聲，只有公仔。
所以若以VGA或DVI連接到電視，必須另接聲音訊號，即係紅白線。
由於紅白線(聲音)和影像訊號分離，電視後面可能有多過一組紅白線輸入。你要自行決定那一組才對，通常會有個框將VGA同相關聲音輸入畫在一個矩形中。(不過有時都係分開，看下面情況三)
紅白線那組應該寫住 Audio Input，要確認係INPUT，因為個插係不分男女老幼。
再有寫詳細的話，應該寫住PC Audio或者VGA AUDIO。
情況二，係由於PC個插通常係3.5MM插，即係單支分三節，和耳筒的相同。所以有時電視亦採用這個插做輸入，所以不要一定以為係紅白線。你在電視後面看清楚，係就要買一條兩頭都係3.5MM身歷聲線。
情況三，電視機也有DVI輸入，呢個情況，DVI的聲輸入和VGA的聲輸入會SHARE同一個入口，亦即係呢個聲音輸入可能跟住DVI，也可能跟住VGA，呢個情形你接好後若冇聲，要在電視遙控按去聲音選項，會有得揀PC AUDIO跟DVI或VGA。
我係諗到呢三個情況，照我做應該冇甩拖。
若然你張VGA卡有HDMI，你另一個選擇係用HDMI接駁，條線普通的應該七八十才左右，不過由於HDMI係全數碼，另一個問題係聲音輸出要自己在電腦選輸出，WINDOWS7之後麻煩少了，接HDMI後應該自動轉，若你仍用XP可能會出現其他要TAKE CARE的事。紅白線則電腦方面一定冇得錯。

你要用hdmi 線，電腦顯卡要有hdmi 輸出，電視機要有hdmi 輸入，缺一不可。