被記兩個小過

會呀
你人生可以講話完架喇
例如你考唔到想重讀,人地睇到你有2個小過,你間學校一定唔會收返你
之後你出去搵第2間,人地亦都唔會收你,寧願收個低分過你但操行好過你的學生,都唔會想收你
之後你唯有係屋企自修,寒窗苦讀,俾幾萬銀去補習
最終俾你成功夠分入大學
但面試時,人地一睇你以前成續表,見你有2個小過,都好有機會都係唔收你
你唯有去讀埋d咩咩副學士文憑之類,係你人生路上又洗多幾十萬,浪費多幾年光陰
先入得返大學
之後讀完出黎搵工,已經有周身學費債,但人地見你中學成績表幾個小過,
又只會壓你價,甚至唔請你
去到依到,你冇錢,肯請你的工,人工又岩岩過左遞紙入公屋的入息申請
你只好去做d比較雜同人工低的職業,例如做機鋪網吧咁,自壓人工,以令自己可以申請公屋輪侯
但你工作的地方全部都係mk仔同呀叔,完全冇囡囡
人工唔高,又要還債,租棺材劏房度日
到你終於輪到公屋,可以唔洗捱貴租,多返2個錢可以出去溝女果時
你已經到左中年3x歲,d 港女唔會睇上你
之後你只好返大陸娶妻,大陸婆會同你生個仔,之後你申請左佢落黎香港之後,佢就會一腳飛起你,留返個仔同你相依唯命,節衣縮食
由於你好窮,你個仔係現今香港社會根本冇辦法同人比,乜野都學唔到,係起跑線上輸到七彩
所以佢長大之後都好大機會自暴自棄,誤入歧途,更唔好講佢大個會養你,佢唔令你操心已經要偷笑
到你個仔終於生性果時,佢都應該40歲,而你都應該已經7,80歲,步入人生尾聲
佢孝順你幾個月後,你就好自然地歸西仙遊,不過由於佢都係窮,所以你d骨灰應該冇咁快排到位可以安置

所以你拎左果2個小過,人生基本上可以講係玩完

其實校方想踢你走, 因你這樣懶, 拖低合格率, 影響收生.
你不如立即找另一間收生差的學校轉入去, 或者轉IVE, 或者轉夜校或私校, 這就可以要求學校撤消你的小過, 以便你用好看的成績表轉入去, 總好過你這樣記過記到花晒.

問題唔大，你嘅目標只有Dse ，中學可有可無，就算你搵事做，都只會睇你讀到中幾，dse 成績，冇興趣知你係學校搞乜，你只要乖乖原校讀完，就算完成歷史使命。

Actually everyone will make mistake