現時的香港, 應否置業

現時的樓價已不是一般人可以購買，就算你有三成首期，亦難長期供樓，加息壓力相當大，一旦加息，斷供在所難免，地產商心知肚明，無奈仍有土豪托市，有錢難道不賺嗎？以致樓價居高難下，但土豪資金能否長供長有？能否如勤儉港人供足廿年，這不能樂觀，搞不好斷供多是土豪貨。如你想買樓，建議等加息，到時就有大量蟹貨任選。

應該置業，如果你買得起。
當然，月薪兩萬元者，或是更少的，談論置業問題，已是奢侈了。

我係絕對唔會用是或否既方式回答,應該係以自身方式去看待呢個問題.

假設咁講,如果你係同屋企住緊,買又得唔買又得,咁無謂呢個時間買,因為呢個可能係長達廿年或以上既負債,但如果唔買都要租屋住,即係住屋開支冇走雞,咁能力夠就可以買,有咁平買咁平,純粹解決住屋需求就算,記住第日環境好係可以換樓,但買貴過負擔能力就可能累左半世.

咁跟住買樓就當然要講下利息,首先就唔好信專家講利率走勢,14年9成專家講緊加0.25,到15年全部又轉口風話可能唔加,其實所有專家都係跟大隊,大家講咩咪講咩LOR,而就算真係加,樓價係未必跌,譬喻開始加果陣,之前批樓仲係平息,未上車既人就諗住再睇定D,咁就托住個租金,而租金又托住個樓價,可能個跌市周期長達5年都未定,而呢5年你一樣要交租.

咁如果樓價跌,咩事會暴跌呢?以目前銀行管得咁緊,就等同將冇實力既買家踢哂出門口,而香港物業供滿既情況又高,咁就要考慮下咩原因會令市場出現拋售情況,而我估計會係因為股市暢旺,呢個係一個比較特別既情況,而通常真係出現樓災,又唔會係阿媽係女人咁簡單.

呢個字數既回答算對得你住喇,自己研究下啦.

2015-01-18 00:54:51 補充：
你睇瑞郎脫歐係突然到連匯控都反應唔切,咁你就知道靠預測利率走勢係幾咁靠估.

2015-01-18 01:30:37 補充：
仲有地產商點睇後市呢個問題,其實都應該講D.

首先就係關你咩事?我睇報紙都好多人認為發展商出貨小業主接貨既行為好似係對賭,但我想講,如果米商睇唔好米價,咁你係咪成個下跌周期都打算唔食飯?

用家主要睇負擔能力,發展商就睇盈利能力,用1蚊去咩生意先有最大效益,所以發展商係唔會起完D樓唔賣走去收租,大型零售連鎖店都唔會全部自置鋪位,寧願去租.

2015-01-18 01:30:57 補充：
無論市好市差,發展商一樣投地,一樣賣樓,因為佢地條數同小業主唔同計法,又實際上,發展商冇錯係資訊上佔優,但其實真正優勢係佢地管理風險既能力.

咁得閒去理解發展商諗咩,不如諗下自己到底諗緊咩好過.

PS:恆隆同長實有D特別(唔係講佢地就唔詳細講),前者真係惜售,後者就2年都冇投地,但長實未必係完全睇淡樓市(可能只係順水推舟),佢係將投資轉落基建去平衡公司風險.

2015-01-18 01:35:09 補充：
長實個風險係政府風險定係財務風險,咁就真係誠哥先知.

2015-01-19 14:08:41 補充：
2萬我諗都好蚊水,首先好可能只買到新界,車費較貴,水電煤電話費管理費差向地租冇走雞,然後食又貴,點攪?