中三選修科問題(急thanks)!!><

Q1.Econ同Bafs比邊科易?
其實每一科都要細心, 因為好多時都係粗心大意而扣分。如果你真係想知邊科好似易d, 你可以去書局拎d 教科書或者past paper睇下, 再睇下自己對d 題型、概念有冇信心。因為每個人的長處唔同...你問A, 佢會話A易讀...問B, 佢可能話B易讀....不如睇下書, 自己去求證!

Q2.歷史同中史比邊科易?
前路好唔好, 要視乎將來你做咩工作...如果你係想做美容、化妝, 其實讀咩科成績好都冇關係....就算大吉利是講, 你成績唔好都可以做到美容、化妝、攝影, 只要有技術, 都唔難入行。

Q3.ICT唔好讀!?
ICT同相片編輯冇直接關係, 你學個PS可能都已經識執相, 甚至而家D APP出得咁花巧, 可能冇技術都可以執到相ga!!! 同埋你睇下ICT的教科書, 就知道唔係學執相...

Q4.VA出路差?
同Q2, 想做美容、化妝等等都唔一定要讀書...而VA的路都唔一定差, 都要視乎之後想升讀咩學校、讀咩科, 如果老師話學校本身成績麻麻地...都係比你做個參考....始終美術好主觀....唔似做對幾多就有幾多分....你可以考慮清楚

Q5.Phy Chem Bio
你的興趣都好廣泛, 有化妝、攝影、天文等等。如果你想入天文台, 不如睇清楚入天文台做咩職位有咩學歷要求, 因為如果只係做文員, 都唔需要讀得好高學歷...比個資料你參考下:

部門: 香港天文台
職位名稱: 科學主任
薪酬: 總薪級表第27點(每月港幣41,495元)至總薪級表第44點(每月港幣84,290元)
入職條件: 申請人須(a)持有香港認可大學的物理、數學、氣象學、核子科學或其他合適理科科目的一級或二級榮譽學位，或同等學歷；及(b) (i) 畢業後有最少兩年與氣象相關的工作經驗；或(ii)持有香港認可大學的物理、數學、氣象學、核子科學、電腦科學、資訊科技學、電子工程學或其他合適理科科目碩士學位，或同等學歷；及(c)在綜合招聘考試兩張語文試卷(中文運用和英文運用）中取得「一級」成績。

所以你要睇清楚, 自己想入咩科...亦似乎天文台需要物理、數學都唔錯。至於你話中文讀定英文讀Chem...你本身係用開咩語言讀? 最好用返習慣的語言...唔係你要適應都要時間

Q6.地理易讀?
易唔易都係睇你興趣同能力...我自己都好鍾意地理, 都有讀過, 最後發現有d 題目好易, 但有d 題目好深...其實科科都應該面對呢個取捨....你想知多d, 都可以睇下高中的地理書再決定的!

最後...
如果你仲想問多d關於升學既野, 建議你可以搵青協的升學規劃中心..
或者whatsapp 54055051....有人會同你傾下ga!
祝你升學順利!!

Q1.我覺得Econ同Ba有各有好壞處。如你細心，就選ba
Q2.����係歷史啦。中史多事件背...
Q3.Q4.你唔駛理人地，follow your dream
Q.5 Phy:超多難嘅數計，數學差就5好讀
Chem:我自己收chem嘅，只要你明白個道理就得，不過有個topic叫mole，D數都幾難計。(eng:多keywords)
Bio：我自己收bio嘅,都係只要你明白個道理就得，5使點背
Q6.要識地圖
最緊要係睇興趣，希望幫到你

Q1.Econ同Bafs比邊科易?
我自己都係無讀呢兩科，但係睇我班FD同學校D人，我覺得econ 係易啲既。econ 教既都係一啲你日常會見到既野，都係常識咁啦。
Q2.歷史同中史比邊科易?
我自己都係無讀呢兩科，但係我真心覺得中史易上手好多，話晒你細個點都接觸多啲
Q3.ICT唔好讀!?
ICT好讀!! 好到不得了，因為ICT係個D上堂聽書唔使點勁溫書都好易有高分既科，你係呢科比多少少少少少心機，DSE5**在望。
Q4.VA出路差?
我地學校無開呢科，真係唔清楚...
Q5.Phy Chem Bio
PHY 就係用一啲公式黎解釋日常生活既野，一定要係理解，數有不過都係無技巧既+-*/ 計數係phy 一定唔係最大既問題，如果唔理解.可以話你唔明係物理既角度上既見解就最好唔好讀，一定會發癲...
chem 學個d野我覺得係易既真係, 都好似ict 咁啦, 上堂明左之後49使點勁溫書都可以好好
bio 係我用得最少時間但係又考得最好個科。唔計興趣既問題其實bio 係理科一要背既科目，但開頭教既野則係BASIC明左之後, 你以後學既bio 都可以係個啲basic入面解得番, 真心易讀既
Q6.地理易讀?
地理同ict一樣好多人都覺得易讀，其實就係一個你答唔中個main point / key words 無論你解得幾好都無用既subject 我就係因為成日都有個個點解溫極都係咁既分而無選地理

我有讀M1 出面好多大學都係如果你有M1 M2都係優先既，而且讀到M1 M2既人通常佢core都唔會差，因為你會覺得M1 M2係地獄。如果讀到最好讀，有好處又有挑戰性(M1) m2就... 我d 朋友話上堂聽M2好似聽緊外星文咁...

我間學校係講到明理科班無論你讀咩理科都一定要M1 M2 讀PHY 就一定係M2所以我覺得OK既

Q1.Econ同Bafs比邊科易?
因為我冇讀呢兩科，唔係好清楚。我將我大概知既情況分析一下。ECON最主要讀既係趨勢，讀既野難免會虛幻一D，可能個人鍾意分析既話會覺得好讀。至於Bafs分BUSINESS同AACOUNTING，讀兩樣野可能范疇比較廣，我同學有話成日要答唔同情況好煩，計錯數又死，但係題目會有一定既答案，比起ECON，比較重背型式。如果視答題方面，Bafs應該比較易考，但讀起上黎Econ較不用背誦，較輕鬆。
Q2.歷史同中史比邊科易?
當然係世史比中史易。因為本人係讀中史既，不少同時讀中史同世史既同學都表示，中史讀既野比世史多好多。不過因為兩史考試要考既問題係冇一定答案既，所以兩史要考得高分都好難，要讀好多野，我就未試過夠時間做曬中史。舉個例，其實我級既全級第一係讀中史既，佢今次中史考試都係得51.5/75分。要用呢個分同其他X科比，一定低分過人。所以話讀史前路唔好，都係啱既。
Q3.ICT唔好讀!?
ICT就我學校黎睇，我同學完全唔覺得難讀，上堂一律打機，但係每次考試座底有80幾分......大概係佢原本就識電腦......不過仲有人可以有90幾分，估計都唔係好難讀。做相片編輯之類,應該就唔一定要你讀既，不過讀左會印象加分囉。
Q4.VA出路差?
絕對正確!係香港讀VA絕對冇咩出路。想有出路就要第時出外國再讀大學，拎到證書先有少少保障。不過，我朋友話VA寫評賞作品好辛苦，因為佢地既評賞都係冇一定答案既。而且考試畫畫時間好難就。超難考。
Q5.Phy Chem Bio
Phy:朋友話每堂都係計數同計數。但係宏觀睇讀理科既同學一般PHY拎既分比BIO CHEM高分。應該唔難讀。CHEM，我讀緊。個人認為超易讀(我校DSE多年CHEM合格率100%)，背完定義、識計數、KEY WORDS識串就冇問題~~我用緊英文讀，有時有D野要背既時候用英文易背D，而且完全唔洗理文法，好爽。例如:Ca(OH)2功能:let the place be dry 全對有分~~不過我D朋友成日都唔合格，大概係唔明當中原理。基礎打得好就冇問題。唔明一定要問到識。至於Bio，勁多野背，加埋有時突然出D你冇學過既野，如薑汁撞奶，搞到我D同學好頭痕，不過肯背野都唔會低分，個人認為係理科最難讀既一科。
Q6.地理易讀?
我有個朋友讀地理同Bafs，佢指地理好易讀(佢成日考90幾分，但佢堅持係分卷易。)佢又話，GEO絕對比Bafs易讀，背完D野考既都係千篇一律，冇咩特別。
綜合以上所說，我最不推薦兩史、VA。推薦理科同GEO、ICT。
仲有就係，興趣同成績都重要，但考試取分難度亦好重要，請注意一下。
PS:我最初因興趣讀中史，但係要拎高分實在太難，所以好快我就要DROP左佢喇。
最後，我希望你選到自己想讀既科，於DSE摘星。

2015-01-17 23:12:59 補充：
補充一下，你唔讀M1M2好明智，因為我讀M2從來做功課都冇咩問題，但係到而家為止，考過四次，我只合格過一次......