靠炒樓發達是否等於懶人才有出頭?為什麼?

力不到不為財 ...

懶人有出頭天, 可能只是 :
1) 傀儡或扯線布偶;
2) 海市蜃樓現象;
3) 精心部署的代罪羔羊;
4) 含著金匙的富二代;
5) 整天活在白日夢的人

樓上朋友講既野,我係唔同意,實際操作上,第一未必要有本錢,第二亦唔係咩死做功課先可以炒樓.

先講本錢,我有個朋友,第一層樓借足10成,然後不斷加按買完一間又一間,20年間手持30多個物業,條數係正現金流.或者講朋友好似點吹都得,咁你可以睇下時昌老細係點起家(我睇壹周刊,但唔記得邊期),佢第一個迷你倉,係先向客收訂,然後先有錢比首期買倉開業,就只係不斷將呢招複製,咁當然營運過程有上有落有技巧,但原理一直不變.

第二係做功課問題,又有個客,近退休時將錢投資車位,個地點就費事講勒,原理就係佢睇中個點係好多貨VAN佬會泊,又係簡單到暈,之後就轉投資住宅,當時大約係2000年至03,市道唔好,但都次次贏,原因就係佢專買2個相連單位打通放出去,一般黎講,會出現20%溢價,即係每個100萬(分開買),但打通係可以賣240,就算樓價唔升,執呢D差價都搵到食,因為要搵齊2間肯賣然後打通係幾困難.

呢條友根本就唔會做功課,佢只係知道一個市場空檔,又係不斷複製就得(直至玩完),佢話功課係地產代理做,因為佢地係受薪,而且資訊並唔在於多少,而只係只需搵出一樣係有用就可以.

香港其實係好多方法可以搵錢,唔好太負面去睇,否則會自己浪費時間,錯過機會.

PS:以上既野已經玩完,大家唔好去學,諗D新野!

2015-01-17 23:44:12 補充：
關於貨VAN車位個問題,我最想知係點解佢會知道會有好多貨VAN佬會泊,咁當然,到真係泊滿哂就連師奶都知係寶啦,佢既觀察力係驚人,可以將幾件唔啦更既事可以想通連埋一齊得出結論.

而我既結論,成功主要係靠思考方式,如果你話佢地有運,只不過係你唔了解佢地既思路,亦顯示出無知.

什麼理論?

如果能靠炒樓發達,
(1) 佢本身要有一定本錢, 否則點買樓?
(2) 佢好運遇著一個好時機買樓
(3) 如果佢懶, 唔做定功課, 又點知邊d樓賺得多, 邊d樓賺得少?

炒樓或其他投機, 有時好講天時地利人和, 有些人在對的時間入市, 然後大賺一筆 (或密密賺少少就走, 不停出入市). 但亦有好多人摸頂, 最後要蝕賣 (如97年樓市高峰期買樓的人, 好多要蝕賣).

如果你覺得那人懶卻又賺到錢, 有時只可說對方好運. 真正炒家, 是不斷留意樓價走勢, 和四處睇樓睇環境, 咁勤力做功課, 又點算懶.