請教: 僱主為員工報稅需知及程序

公司是報利得稅及自己公司員工的薪金。

每年4月第1個工作日，稅務局會寄薪酬及退休金報稅表（表格56A及56B）給公司填，公司就要填寫員工4月1日至3月31日薪酬及其個人資料。56填3月31日仍受僱僱員資料。56A及56B（如需要填）要發出後1個月內交去稅務局。

如果你有員工薪金金額有可能需課稅或已婚，但收唔到表格，盡快通知稅務局。何謂需要課稅，例如個人免稅額$120,000, 而員工$140,000一個月，唔理佢有冇其他免稅額申請，都要幫佢填56b，因為佢嘅薪金過免稅額。

如有員工受僱，而員工薪金有可能需要課稅或者已婚，就需填寫IR56E表格，受僱後3個月內交。

如有員工離職，你就要在員工離職前1個月填寫表格56F交去稅務局。稅務局網頁有得下載。

稅務局網頁有樣本教點填。

員工自己的報稅表由他們自行填寫，所以你幫公司填好56B/E/F後要比一份副本佢哋自行報稅。

僱主唔會為員工報稅，僱主只會為自己報稅，你付出給予員工的一切，均是你報利得稅時的開支，如你收支平衡，你可能不必繳稅。