發夢...夢到自己好愛既狗仔!!求解說~

咁我屋企就養左三隻貴婦狗仔`係迷你種黎既
就係半年前...放左佢地出去玩 之後有兩隻走失左 有一隻返左黎
因為返左黎個隻係養得最長時間同埋都有放過佢出去 所以應得路
而其餘個兩隻因為太細個個陣冇出過去 所以可能就唔識返
有貼過街紙搵`但都搵唔到 過左兩日...其中一隻自己係凌晨個陣返左黎...佢返黎個陣就好餓同埋係咁係到飲水
而我個心就一路等另外個隻返黎...戈隻係我最愛個隻
因為我係住村屋 所以搵佢係有d難 咁我就搵左佢好多日...
然後每一日我都靜靜雞係間房到喊 因為唔想比屋企人知道
到到依家我都好掛住好掛住佢...因為我好怕佢餓死左
----------------------------
就係係今日既夜晚 8-10點鐘到
我發夢見到佢...
係個夢入面有一個女人養佢 而佢跳下跳下咁 好似好開心咁
但佢就要定時食藥 因為係個夢入面佢好似有左癌症 而又成日嘔
之後聽爸爸講因為佢有病所以就將佢賣左比人(但我仲以為佢係唔見左)
跟住我喊住咁講話:就算佢係有病 我都要養佢 一路陪住佢
仲有 個夢入面 佢都有同另外個兩隻狗仔一齊玩 但最後都係個女人帶佢一齊走左
---------------------------
唔好意思><打得有d長!!同埋可能有d唔清楚`
但我真係好想知道咁樣係咩意思?
同埋屋企個隻狗仔最近生左4隻bb狗...其中一隻好似佢個樣!!
我唔知係巧合定係...咩

如果有人養佢而又好錫佢既我就放心
但我最怕d人唔識珍惜佢