✔ 最佳答案
樓主呢個問題幾好。其實阿富汗唔係一開始就咁亂,係1973年之前,當地係由明君達烏德管治,國家發展幾好。但後來達烏德被推翻,跟住國家係1979年被蘇聯入侵,由嗰時開始阿富汗就七國咁亂。
蘇聯支持既傀儡政府極不得民心,權力只限首都喀布爾一帶,而且掀起全國反侵略聖戰。不講不知,當年拉登就係其中一位聖戰士,佢同不少反蘇戰士一樣,暗中受美國支持及訓練,最終蘇軍受唔住巨大損失而係1989年撤兵。
之後阿富汗又變番極度混亂,去到1996年,由以伊斯蘭教義為立國根本既塔利班掌權,共管治阿富汗全境5年。直到2001年911事件之後,美國指控塔利班支持發動攻擊既阿爾蓋達組織,於是發動新一場阿富汗戰爭,推翻塔利班政權,並成立現在既阿富汗政府。
不過塔利班勢力從來未被消滅,佢地對現政府相當不滿,再加上美軍駐兵當地直至去年底先撤兵,於是塔利班及其他反對美國及現政府既組織就不斷發動襲擊去打擊美國及阿富汗政府。依家美國雖然已經撤離當地,但現政府無法全面控制阿富汗,所以恐怖襲擊仍時當發生。