最近岩岩拍拖1個月,有些問題唔知點

其實有時男仔爭比錢都係面子的原因
覺得自己可以照顧女朋友, 令對方食玩都可以放心

但你其實都好體貼, 明白大家都係打工, 覺得應該一人一份,
其實最重要, 都係你同佢傾清楚
可以事前傾左邊個比, 避免在公眾場所大家爭到咁尷尬

又或者有d時候, 你可以觀察下佢有冇咩想買但唔敢買..
因為有d男仔都唔敢花太多錢在自己身上,
咁你就可以選擇送禮物比佢, 等你自己覺得唔會花佢太多錢,

最後, 其實拍拖最重要係溝通、尊重、欣賞、接納
你可以直接講返, 欣賞佢咁照顧你,
但你都覺得自己可以照顧自己, 甚至照顧佢,
消費可以一人一次, 或者你比lunch, 男友比dinner,
溝通完就會知道點解決ga!

祝你順利!

(1) "各俾各" 只適用於普通朋友或同學，如果妳們是情侶：
最簡單的是各自俾吓，並不需要一人一次這麽規率性。
好處是：
(i) 對方不會俾錢俾到 "肉赤"！
(ii) 自己不會有 "欠咗佢" 的感覺 ，將來假若要分手也覺得互不拖欠。
(iii) 對自已的感覺也好些 ----- 平起平坐
(iv) 不讓他有大男人的感覺 (上一代的男人，大部份都是拍拖時俾哂錢，婚後又養起頭家，所以惡哂！)

(2) "分配" 問題 :
如果覺得他總是男仔，可以不是 5 - 5 ，而是佢 6 妳 4 .....
但總要有時會比番次，分擔一吓；他其實都會想妳分擔，只不過怕尷介
(他那怪表情 ---- 正是濫介，也代表他有點大男人，也可以說他都算 Man Ga！)

(3) “尷介” 問題 ：
(i) 要避免佢讓女仔俾錢、遭侍應白眼的情況 ----
a.在他不知情的情況下先付款 (e.g. 吃飯 --＞ 趁他上洗手間)
b.預先、或事後給他錢，讓他俾錢侍應 --- 當然，要用些 藉口/技巧
(e.g. 給他玩打賭、玩遊戲，輸那個俾錢。)
c.較相熟後，就可以表態，透露自己都想俾番吓錢，是應份的！
(ii) 相對地，妳有份俾錢，就會避免妳自巳尷介(要男友負責一切洗用) ，大家出來玩，妳都會玩得自然啲、自傲啲！

(4) "唱 K " 問題 ：
他是想約你玩，試吓一齊玩的感覺(是一齊吃的下一步)。
給他請絕對冇問題，妳可以隨即請他吃晚飯，或下次請番他玩第二樣嘢！

1) 其實爭比錢都算係愛嘅表現,代表住你地都好重視對方,所以你可以照舊爭比錢(打情罵俏XD。唱K咋嘛大家都有份唱,但係費用就應該固定(特別節日除外啦當然,如果係咪各比各囉,不過佢同你爭你可以照唔比XD)佢肯同你爭就表示佢真係想照顧你。
2) 食飯呢樣嘢呢就可以各比各。因為大家都食自己嘅飯，咁樣就可以話比佢同埋其他人知你唔係乜都靠佢。但係如果佢堅持就廢事喇,廢事由打情罵俏變嘈交。
3) 你可以細心留意下佢,例如佢一時冇錢,但係佢不嬲都請你,如果突然唔請又驚你嬲。呢啲情況就可以同佢爭比(當然唔係淨係爭,要比到)或者佢一時間大壓力你咪當幫佢減壓咁囉。比錢冇咁尷尬之剩又可以增進感情。
4) 比錢唔應該尷尬架!你反而應該為有個咁大方嘅男友而開心。如果佢一心想請你就建議你唔好特登分擔,你會打破左佢嘅計劃,心理方面都唔會咁好嘅。但係好似第三題咁你就可以大方啲同佢講喇。

希望你可以透過以上嘅資訊改善你地之間(其實淨係你)比錢嘅問題啦^^

拍拖出街男性俾錢好應該, 食軟飯/低收入嘅男性先覺得唔應該老馮男人俾, 妳怕男友覺得妳係港女, 事前就主動話妳請, 如果佢話唔使, 妳就唔好爭俾錢, 有自尊嘅男性會覺得妳睇佢唔起, 唔係所有港男都咁cheap.

其實一起出街男仔俾錢好正常，你唔需覺得唔好意思 但如果你覺得拍拖唔一定要男仔負責比錢 你可以得閒無事同佢講話你請客 佢都會好樂意接受噶 如果你實在心裡面過意唔去可以送下禮物俾佢 或者你可以直接同佢講 佢呢家系事業搏殺期 唔想成日用佢錢 希望佢可以留翻多個錢旁身 等佢可以比你一起分擔下

if 你男友下下爭住比錢, 而你又唔想比佢覺得要照顧埋你, 你可以時不時買番D禮物送比佢, 又或者食飯佢比錢, 睇戲、食甜品你比, OK?

P.S. 有時同男友食飯, 女仔比錢男仔會覺得冇臉, 我會趁男友行開左or 係男友不知情況下偷偷地埋單