[字海.求傾訴]Band2~3既F3女 讀書成積+某D煩惱

多謝你地睇我既心事 可能有錯字 唔好介意
-
小學靠爸爸同家姐既關係,入到間係我果區唔錯既小學
但小學唔識唸 唔知讀書既重要.
小一至小五都有補過習
但衰懶 補左=晒錢
唔肯溫書 驚左英文
小三起 平均分得果50~69分 次次都英文衰到爆 拉低其他
只要無英文字既科都考得幾好 無溫書同小
小學排一百名既我 就入左間我都唔知band2定band3既中中 中學
-
分班試 分左係B班
A班係精英班 B班係半精英 我估唔到我咁既中學都有分~
不幸地呢兩班 除左中文 每科都有課幾特別用英文教 簡直攞我命.
中英數 仲用小班教學 =[
而且基本上平均分有5字就入到B班 6字以上就A
所以我仲覺得靠我既小聰明就可以生存
HEA下HEA下中一就完左
我識既朋友去晒A班
得我留番係B班 真心唔開心
由小學到中學
我每年識到既好朋友/一堆好朋友
下年實唔同班/得我自己一班
小學係得我自己升上呢間中學
所以想自己去A班同班朋友一齊
-
中二得A班有每科一兩課用英文教
B班全中文
咁我就係每次考試測驗果日朝早 5點左右起床溫下 每日兩科 每科溫1個鍾
就全年有60幾平均分
但英文仍然無眼睇
基本野已經唔掂 ... 仲要比左個我覺得佢hea教既英文老師教
所以無溫過
-
中三好好彩入到A班 人稱精英班?!
最好彩既係 今年改制度 為左選科公平 a班同其他班既卷會一樣
姐係無左英文部分
對我黎講緊係正到爆:))
但係都會教英文部份 只不過唔係考試卷出 小測會出
-
開左學都好耐下
我覺得A班真係好有讀書氣氛
我開始唔憎讀書 想努力 想入大學 入唔到都要盡力
英文3年黎都係ABC班入面分出黎既第3組[ 有4組 第1組最好 ]
A班女仔得我一個第3組 其他都1/2組 難受到爆 B班得一女 C班既女仔MK到爆 我唔算令+唔MK好難同C班女仔玩到
就係咁 我上堂開始聽書 老師好好 真心好
可以話佢有份令我唔憎唔怕英文
-
呢兩個星期開始考試
認真改唔到懶既習慣 已經好努力去改
但溫書只有第二朝訓醒死到臨頭果陣先溫
變左一日訓得2~4小時 就起身溫書
但我考左一星期 主要科目都考左
但已經好灰好灰
對於從前 我覺得自己已經好左進步左 每科都溫 每科都起碼1~6個鍾
但考完就知有機會唔合格 合格都唔高分
連我最勁既中文都唔知點.
中文果日 我起身先開始溫 果日撞左英文作文
為左英文可以好D 中文溫左1個鍾左右 就唔理
但結果好似兩科都衰既FEEL 雖然未派卷..
數學更加無望 5分題既無題識...
只能怪自己唔點溫同聽書數學果日第一日無早放 更加無可能溫..
呢幾日仲有幾科 但我已經好絕望 亦無心機 但都應該會早起黎溫...
-
一唸到選科同大學既事 就好想死
選科?完全唔知自己想點.
自己就覺得文科比較好 但覺得好似都好難讀咁
同埋電腦好好 唔溫都全級第一..
但電腦(ICT)用英文教 唔知點好
但D人通常選理科??
.
大學?好難入 但我個心好想
我家姐今年應考DSE
全家都覺得佢無可能入到
佢中六先努力..
我呢個中三既好想盡力試下
屋企唔窮唔有錢 但父母養我同家姐
人工加埋一個月最多2萬多D 可能無 我覺得 呀媽散工
我地要用既錢同交租錢加埋都都先岩岩好
我家姐今年仲要去補習 一個月好似要交成2000蚊
試問 我想去惡補英文 又點得呢?
我好想問同學/老師唔明既地方 我都有問同學
但老師始於唔夠膽 同學問得多都驚佢地唔鍾意
我應該係有少少既社交恐懼症 大陸MAYBE叫咩赤面恐懼症既人
姐係好多地方 場合 / 要同某D人 陌生人 老師 唔熟既人 都會臉紅同緊張 心跳加快
-
最灰既係模擬選科
好似話係計上學期成積 我考成咁 都唔知點好...
叫出去選科先後=排名
如果我去到30~40 可能40後先咁真係好樣衰
不竟我係A班 正常上年應該頭31名
-
一定要答的:
1)我到底可以點追番D成績? 無錢補習..
2)英文由小學開始唔得 咁點補. 中三下學期開始補 DSE會OK嗎?
3)我每日放學後既時間表應該點?可唔可以幫手唸唸
4)真正選科係咪計埋最後果次考試...
5)我覺得我除左英文 數學 西史外其他都OK 鍾意 咁可以選咩..對將來較好 最鍾意中文同通識 但好似無用XD
6)考說話我可以話勁差 我好大聲 可以話叫出黎 都比人話細聲 我平時 有時D人都話好難先聽到我講咩 可以點改善?
7)個心好想做 但個人好懶 可以點.?
8)你地有咩想俾我知就講埋:))鼓勵說話都OK
其實 唔知呢D同到邊個講 身邊一係唔讀書既朋友 一係讀.書 但心計重...