[新手]結他睇譜問題

第一個叫六線譜。結他專用，由五線譜變化出來。
『係咪代表逐個音咁勾黎彈?』
你的例子係獨奏用，所以係一音一音彈，通常123絃用指向上勾，456絃用手指公向下彈。譜上並無標出。
由於沒有五線譜的空心實心點同旗仔。所以音的長短用位置表示。
『第1行 5 3 打棟一齊意思係咪同一時間一齊彈?』
對了。但由於並不是每半拍都一定有音，亦沒有休止符。所以長音只好留空，或者畫條叫『連結線』即係那個半圓，帶埋下個音一齊。即係有連結線那兩個音係一拍。其他都係半拍。
這個彎彎的連結線若果下面一個數字不同，例如第六個小節中，由1彎到0，即係代表滑音，可以滑上滑下。若三個數字，即代表快按後再放，例如 010
『上面個F CHORD代表咩意思』
即係呢個BAR(或者半個BAR)和絃係F，六線譜上若你有寫數字的位置係一個X，則左手按的位置係跟個CHORD。只係你個譜全部寫數字，個CHORD好似變得冇作用。但仍然係個CHORD譜。
『箭咀01023 又係點解?』
箭咀。另一種較常見的方法係沒有數字，只有箭號，按法則由上面的CHORD(或者係一個指法圖)，箭咀可向上，或向下，代表右手向下或向上撥。(注意譜和手指方向係剛好相反，向上是向下撥)，若箭線是波浪而非直，則慢慢撥。

例二是CHORD譜，用來伴唱用。右手彈法通常有一個一個BAR或二個BAR示範。全歌進行時則自由發揮。網上不見。你建議的T121是個不錯的選擇。
通常一個BAR彈八下。
( ) 我都是第一次見，不過不難理解。是代表每個小節開始。即係()內的字就是第一拍。括號內沒有字不代表空拍，只係第一拍沒有音符。你可能以為個箭字為什麼不在括號內，因為歌曲中箭字是在前一小節最後半拍入，帶到下一個小節。

孩兒Ｃ調结他