我嘅感情問題...help！十點！！！！

我係一個比較內向嘅女仔，好多心事都會收收埋埋，唔會同人講（包括父母）。四年班嗰陣時有一個同班同學（男仔）係咁摸我頭髮，我懶得理佢。所以就由佢摸...
五年級識咗個男仔（同班同學），佢坐係我後面，上堂嗰陣時成日抆我頭髮，篤我背脊。跟住我就同佢成日煲粥，講咗好多心事。而每一次去到只係開住個電話一粒聲都唔出，我好開心識咗佢，因為其他同學都唔會同我煲粥。（我好想同人講心事但係我唔想人哋爆曬我D秘密出去）跟住不知不覺，我開始鍾意左佢（我自己都唔知究竟係咪）
佢對我好好，成日都扮哈我。有一次我跟學校去旅行，搭旅遊巴返學校嗰陣時，佢坐喺我隔離，我拎頂帽摭住自己個頭瞓覺，返到學校之後，坐係佢隔離個位同學話俾我聽佢趁我瞓覺扮蝦我。
六年班，我同另一位同學（女仔）煲粥，姖本身都有同佢煲粥。姖同我講姖鍾意佢，我答姖你就鍾意佢啦，我無所謂（姖知道我鍾意佢）。
跟住某日，姖打俾佢，問佢如果可以一定要選擇嘅話會鍾意姖定我，佢答係姖，我好難過，於是打算再問佢。
領袖生當值完之後，我問同一條問題，佢居然得兩個都唔會鍾意。
同埋我每一次上體育堂，都會有另一個男仔，次次跑來篤我背脊，搞到我覺得好煩。
我問d女仔，一啲話佢鍾意我，一啲話佢個個人都係咁篤...
今日我係咪鍾意左果個五年級第一個男仔？？？