點解我講野成日得罪人?

其實同人相處, 都要視乎你同佢關係有幾深

如果你地真係好frd, 大家都好了解大家, 咁樣直接就未必有問題。
因為對方可能都已經接受左你率直的性格, 同埋都會相信你

但如果大家唔熟, 你一來說話直接, 就要留意..
1) 避免批評! 雖然可能有d野你睇唔過眼, 但每個人都有自己的苦衷或喜好, 不一定要加入意見

2) 多欣賞! 每個人都一定有優點, 唔係要你事事都讚人, 咁樣都會好假, 但間中欣賞人, 人地就會覺得你份人友善, 識得欣賞別人

3) 可以用「開放式」問題! 打開話題唔好問「YES/NO question」, 可以問一d等對方答多d的問題, 咁就可以多d機會打開對話

你有今次的提問, 其實都反映緊你檢視緊自己的社交技巧~
你不妨問一問自己...如果遇到一個同自己一模一樣性格的人,
你覺得容易相處? 會想跟對方交朋友嗎?
從中, 可能你會看到自己的優點及缺點,
可能你就會找到答案了。

祝你交友順利。

咁不如試下做個被動者囉~~人地撩你講野先答, 閒時hi bye就算

如果真的很容易得罪人，都是少點說話，為人低調點比較好，同時你亦須要留意身邊的人怎樣與人相處，重中學習。

你會自我檢討,已經好好,慢慢來啦

我都係,其實你太直接了,你要用其他方法同人地交流,例如在適當的時候講下笑話,一班人講嘢就少出聲,有時係班上發下言,都有D幫助

從你上述的描述, 我相信你是個直率的人, 只是還未懂表達自已。

關於你的問題, 我建議:
1. 你回答時, 首先分清楚對象是否明白你的朋友? 如是, 你可直答, 但傷害性的說話絕不能說, 有時美麗的謊言亦可. 不是叫你騙他, 有時是事實的事, 但若當事人已很傷心, 你亦無謂踩多兩腳, 否則只會加重他的傷感, 於事無補, 例如他的樣子醜, 他問你是否事實? 假如你如實回答, 對他的傷害更大, 若你好言相勸說每人都有其優點, 內在美比外在美更可取, 那麼他會好過些, 你沒騙他, 但又同時安慰到他.

2. 如你仍未找到合適的表達方法, 就盡量避免評論別人的事, 最好不要出聲, 因為保持沉默總比說錯話好, 縱然會給人COOL的感覺.

3. 你可多些閱讀, 特別是閱報, 會增進你的知識之餘, 又可讓你有話題跟朋友溝通, 不至於在一大班人中變得無言和格格不入.

同人相處是一門藝術, 靠自已不斷摸索, 從錯誤中學習，你不要氣餒。

高興就好~又唔係殺人放火~係朋友自然就會係朋友~

咁你要改變, 戒用「你, 他, 或指名道姓」, 要多用「我」字, 你說你自己就唔會得罪人, 就算你要讚自己, 都唔好搵人比較, 或踩人, 人哋嘅事關你咩事, 不必你出聲, 你要好好「反省」！