中三揀科 可以比啲意見嗎?thx:)

我喺一間band1尾嘅女校到讀緊中三，今年要揀科。中一個陣仲讀緊輔導班，然後努力中二上左次精英班，今年中三就讀到精英班。成績全級頭30，對讀書都唔會太抗拒。而我嘅志願係做醫生，呢個想法都係升上中三先有嘅，可能太遲。。。 因為我已去世嘅公公，眼見他受盡病魔折磨；腸癌，肺癌。愛莫能助的我，就以當醫生為目標，去幫助病人，醫好他們的病。 我嘅phy chem bio成績屬於中上，未算標青。但係點解我仲有咁多煩惱呢？我都唔知._. 我父母成日同我講醫生唔易做（呢點我當然知），除左成績得性格都要適合。話要承受到好大嘅壓力，好捱得，要理性要果斷要冷靜。呢啲我全部都知。佢地就同我講，唔一定做醫生架。唔知係唔想我有咁大壓力，還是撥我冷水因為佢地話我以上嘅特質一個都冇。雖然係咁，佢地都阻止唔到我決定左嘅嘢。 我決定左之後，就當然朝住目標進發。 但係我嘅成績始終唔夠啲同學揮，話曬佢地大部分人都喺精英班讀緊第三年，而我只係第一年喺呢班讀書。班主任又話我理科成績未夠入醫，但係我已經盡緊力，好盡力去讀，儘管我唔夠佢地勁，我都要令自己無遺憾地考好每一場試。 因為上次統測未夠好，我今次大考想考好啲，於是成個聖誕假有三分之二都去自修室溫書，最少4個鐘，最多9個鐘。考試其間（今日第五日），放學放十一點，我住得遠一粒鐘先由學校返到屋企。返到屋企食完飯，瞓一兩個鐘，再溫書。溫到夜晚十一點十二點幾，凌晨三點起身再溫。結果搞到我而加身心都好疲倦。今日考maths仲一邊夢遊一邊考。maths一直都係我最有把握嘅科，都有全級頭二十，但係今次失埋手真係好灰。 。。 講返揀科，雖然我父母口講讀咩都冇所謂。但係琴晚同佢地傾完計，原來佢地最想我讀嘅係商科，因為搵到錢。我話我唔識搵人笨，搵唔到錢。媽叫我揀econ，加一科有興趣同一科攞到分嘅。咁我中史，歷史同地理呢三科都易攞分嘅，對中史最有興趣，成績都係全級頭五，但冇咩出路，只可以話係幫入大學攞分。但上到高中可能係兩回事。而中文就差到唔合格，英文就ok嘅。
比較好嘅科：geog,history,chinese history,maths,chem
差嘅科：中文，電腦

Btw我理解力同表達能力有啲差（由細到大都係咁，可以張一個詞語好順口咁調轉讀，e.g耳環=環耳，解剖=剖解，仲要講左出黎人地同我講返我先知xD) 但係啊媽話我天生都有啲小聰明，記憶力好，仲有組織力幾好，佢話我幼稚園同小 學面試要砌嘢，跟住我九秒九咁砌好。又話我對數字都好敏感，例如有啲車牌我望一眼就會記左入腦，某一啲數據嘅數字/日期都係。

其實我係諗住揀chem bio同中史/bafs.但係我有幾個疑問：
1。如果只讀bafs唔讀econ咁讀黎有冇用？因為econ同chem撞左同一個election，但我想讀chem.
2。其實揀三科定兩科選修好？因為三科可以做後備之用但要用好多時間，如果兩科嘅就多啲時間去讀好，咁應該揀三科定兩科好？
3。高中嘅chem同bio主要教咩架？係咪比中三難好多？
4。有冇一啲chem同bio嘅練習可以介紹比我買黎做（for中三）？或者一啲幾好嘅chem bio補習可以介紹？
多謝你地抽空睇我嘅心事同埋解答我嘅疑問，thx:)