我中意既女仔突然話好憎我 但我唔知點解

我中意左一個女仔好耐
同佢同班左四年 但好少有交流
直至舊年三月佢好朋友叫我去追先開始傾whatsapp
我地一開始就傾得好埋 好似識左好耐既老朋友咁
然後一直到左六月 佢突然間問我係唔係中意佢 我當然如實同佢講
佢即時打左一篇400字既文比我 我當然唔明白啦 咁就直接問佢中唔中意我
但佢只係用一句"遲d先話比你知啦"就帶過左 而且一直都係用呢句笞我
呢件事過左之後我地仲要更加熟左
之後我返暑期工既時候成日收唔到信號 佢仲會鬧我成日都收唔到佢wts
佢曾經話過要好熟既男仔先會用錄音去覆 而我同佢既對話就由全部打字慢慢變成全部錄音
而佢對我錄音既感覺都係一d同平時既佢好唔同 好似好天真無邪咁 講差d姐係派膠
其他同佢熟既男仔都話佢平時既錄音好正常 一d都唔膠
但響十月既時候佢都有過兩個禮拜無搵過我 亦都無理我
我個陣都好擔心 但過左一排佢又自己搵返我
就係咁樣我地一直傾到去十一月中 但係有一晚我地好正常傾完計講完good night之後既第二日開始佢就無乜理我 問佢十句佢應一個"哦"咁
到左十二月頭佢甚至block埋我 但其間佢都係十問九唔應
到左呢排我既死黨話幫我做卧底去睇下佢地班女仔發生左咩野事 之後佢同我死黨講我好黑人憎 佢好憎我
但其實我同佢既相處入邊無咩衝突同鬧交 佢就突然之間有日變得好憎我
依家過左成兩個月佢都無理過我 我既直覺覺得今次唔理我同上次唔理我係兩件完全唔同既事

佢block左我wts同ig
但我wts佢第二個唔常用既No.後 佢只係睇完唔覆但係無block埋我

由事發到依家我對佢因咩野事憎我既慨念都係零
依家我死黨話繼續幫我睇住佢地一斑女仔對我既睇法