關於大學讀工程

樓主問既主要係三大範疇既工程專科，即機械工程(Mechanical Engineering)、電機及電子工程(Electrical & Electronic Engineering)、土木工程(Civil Engineering)。呢三瓣係非常唔同既學科，樓主要唸清楚想入邊行，唔好攪錯。

Mechan Eng 係大學最古老既工程專科，據我所知，係讀關於與電力無關既工程學科，例如汽車引擎、輪船煱爐等。兩個電科當然係讀同電力有關既工程，電機係讀大型電動機器如發電機，大型電動機既工程科目，而電子就係讀小型電器，尤其係電路板既線路設計及控制等。港大過去將兩科電科夾埋做一個degree讀，就係出名難讀既Triple E ，即係Electrical & Electronic Engineering既頭字母縮寫，但近年有無分開就唔係咁清楚。

至於土木就係讀點樣根據建築師既設計將某個建築物起出來。起一幢建築物首先由建築師做外觀、間隔及設施既設計，但真正要點做就由土木工程師負責計算及執行，同上述兩行完全唔同。

2015-01-05 22:13:51 補充：
其實係正文已經答左樓主。Mechan Eng 就係要設計、維護、裝嵌與電無關既產品。Triple E做產品自然同電有關。Civil 人主要係根據建築師既設計，計算下實際個工程點做，甚至包埋搵材料等。

見你咁問，都係唔答你！