識咗個女仔五六年,開始熟近半年,想去馬,求各位看法或給予動力

我係女仔, 我用女仔既角度去睇呢件事啦...

我覺得佢係對你有意思既, 因為女仔好多時都係鍾意成班人出去, 好少話同男仔一對一咁出去既, 因為怕會有誤會, 果時我都好怕同男仔一對一約會, 因為怕佢諗埋一方就唔好, 而同時就算有, 都唔會話咁密 (因為女仔不嬲朋友都會多少少,平時都會同最好既朋友傾下計啦, 點會同個男仔出得咁密?). 所以我諗佢應該係對你有少少意思既.

好少女仔會話要自力更生點點點既, 我諗呢個會唔會係同佢個家庭背景有關? 如果係既話, 咁呢個可能你要考慮一下, 如果唔係的話, 可能只係講俾你聽, 因為有時女仔同男仔出街,有時男仔都會gentleman 少少俾少少錢既, 咁個女仔可能唔想你既負擔咁重就會咁講.

至於點樣樣同佢講呢, 我相信係比較challenging 少少, 因為你同佢都識左好耐. 咁其實可以約佢係一d 大時大節出黎 (e.g 12月31號丫, 新年丫等等), 睇下佢既反應係點, 因為呢d日子, 女仔都會想同一d 佢鍾意/有好感既人過. 如果佢係肯同你出黎既話, 咁即係話佢對你係有好感, 你可以放心去馬了. 但係如果佢冇咩表示, 又或者係一口拒絕既話, 咁就代表你未去到佢心目中既果個位置. 如果佢肯同你出黎, 你可以諗下帶佢去d特別既地方. 咁等佢有難忘既回憶, 同時亦可以準備少少禮物仔, 再去馬既 (因為女仔都會鍾意一d 小驚喜). 唔一定要一d好貴既野, 因為女仔在乎既係心意, 而唔係$$.

外型唔好唔係一個太大既問題, 因為呢d野, 可以由改變你既衣著丫等等去改善, 而你個人品都好重要, 女仔需要既係安全感, 所以唔係話好好好好靚仔就一定得, 如果同一個靚仔一齊, 我都會有少少驚, 怕hold 佢唔住啦. 記住如果真係去馬, 就準備定少少野同佢講, 唔好太長, 亦唔好臨既爆肚, 因為你個人一驚, 講咩都會唔同哂架啦!!

加油丫, 支持你:)

有時緣份到了沒法擋的, 竟然再踫上也是機會來, 感情無分對與錯的, 你不踏出第一步

怎知結果呢 ?

你有興趣可給我計算下你們是否緣份到 ?

電郵給我.


火露兒

我都係女仔, 我用女仔既角度去睇呢件事啦...

我地女仔就比較想男仔表白，原因係因为一黎浪漫D，二黎吾想尷尬

个女仔佢都冧你嘅（我諗）

如果吾係就吾会成日同你1：1出街啦~

丿我建议你同佢过多1个week

即刻问佢冧吾冧你囉~

吾冧就吾使尷尬，话同佢开下玩笑

就淡忘啦~

放膽去追

好似《匆匆那年》个赵烨咁追林嘉苿

完美Ending

字裡行間睇到佢唔抗拒你, 不過都唔一定鍾意你,
你地可以繼續約會, 相處多d...
始終相處唔多, 就好易有錯覺, 覺得大家一拍即合..
但其實拍拖唔只係要睇大家的優點...亦都要接納對方的缺點
唔會人人都初相識就表現自己有缺憾的一面,
所以你地可以相處多d, 再了解多d先再考慮係咪表白

另外, 其實如果你一直唔表白, 就唔會知道係咪成功..
始終女仔好少做主動,,.雖然你話佢唔靠男仔....
但事實上, 世界唔係男就係女...拍拖都唔代表係「靠」..
拍拖可以係多一個支持, 同時自己都可以支持到對方..
可以係一個對等的關係呢~!

不論結果如何, 只要盡力而為, 就已經問心無愧
希望你早日搵到方向~~祝福你~

既然巳經混熟, 對方對你沒反感的話, 就應該大膽表白. 如果一旦有其他對手出現, 或對方找到男友的話, 你就會後悔點解5表白.

試就50/50, 唔試就係0. 當然, 最重要係要知道對方點睇你, 定位是什麼. 如果你擔心食檸檬的話, 就多加愛心去關懷對方 (例如佢病的話, 你就買補品, 或粥粉等去照顧佢), 對方一定 feel 到的, 如果佢對你冇意思的話, 會主動同你講清楚關係, 或開始疏遠你. 如果對方對你不抗拒的話, 就大膽一次表白啦, 女仔都係等男仔主動的.