油價低，對貨幣及發達國家有什麼影響？有什麼投資機會？

影響到產油國，你覺得佢升返上就可以投資，我覺得仲會跌

一定會打擊，因為冇對手先可以賺更多錢

目前買油股,係睇你點買,如果分注買,已經可以落注,再跌再買,但要坐幾耐就冇人知,而你既耐性有幾持久,更加冇人知.

反而你問到美國頁岩油,我就比較有興趣研究,首先我唔太相信D產油國會怕左美國頁岩油而監粗拉低油價,因為頁岩油生產技術極高,冇可能維持長期穩定生產,同一邏輯,油國係咪要打擊埋其他新能源,例如太陽能,咁根本係應該係一早就減,因為平價石油就已經降低研發誘因.再講,頁岩油其實佔總產量幾多先?唔係要搵原子彈打烏蠅掛.

問題應該係針對俄羅斯,石油價跌唔算大件事,盧布大跌先出事,跟住就燒埋去債市,但美國絕對有能力出手拯救(故此話攪美國頁岩油,道理上係唔成立,佢地要托油價點會有難度,要記住目前仍然係以美元作為主要結算貨幣).

咁俄羅斯又點諗呢?其實即係普京點諗,佢目前有80幾%民意支持下,放手一搏,任你油價下跌,加上外匯仲好強,頂一陣應該得,都係睇下邊個死先,所以民意支持下跌到一個頂唔順既地步,佢可能都要係烏克蘭問題讓下步,咁應該就似係個底.

2014-12-22 00:45:49 補充：
唔記得講,而家就連師奶都識得買航空股啦!