有關表白ge問題,我係男,同女仔表白 最好女仔答

佢同我係form 4個年同班，玩熟左，所以就算今年唔同班，佢有時間都會來温我。慢慢，我就开始唔係當佢係朋友咁簡單。佢份人係一d好主动ge女仔，而且又好成熟，成個大人咁。我係好中意同佢一齊ge感觉，我係中意到見唔到佢就會好掛住佢，整个人都會諗住佢。一見唔到佢就會好辛苦。佢整日都好中意講笑，例如同我講話中意我，我有時都唔知道佢係講真定講笑。於是，，我諗住搞清楚佢係唔係中意我，我就cap左佢係wts話中意我ge对話，send比佢問佢講ge野係唔係真，但係佢就話只會講笑，仲同我講我地只係best friend。我個下好sad,喊左出來。但係我仲係好中意佢，所以，我想同佢表白，但係我唔係想同佢做男女朋友先表白，我只係想比佢知道我係點諗。但係我又唔知係d咩時机send比佢睇，我為左呢個ge表白，我打左几篇出來，睇下用边篇會好d,所以想问下d女仔ge意見，睇下係咩時候，同埋用边篇比較好。仲有，我想问下如果我真係表白左，佢會唔會唔同我做朋友？我都唔想冇朋友做……
以下係表白内容:
第1篇:
我果然真係好中意你，我真係好難放低我对你ge感情。我一直都想放低，但係我始终都做唔到。我明知道你係唔會中意我，但係我個心就一直都係好中意你，係人都知將感情投放係一段冇可能有結果ge关系到係冇意義，只會浪费時問，只會令到自己唔开心，我明明係知道呢d野，但係我始终都係好中意你，中意到會因为你而做d傻野。我會整日留意你fb同wts ge上線時問，見到你在線上就好想你主动wts我，同我傾計，無論你同我傾咩都好，我都會好开心，就算只係串我都好，因为我只會想同你有交流。我又會特登等你放左工之后like你ig d相，目的只係為左想你留意我，wts我一句「咁夜ge?」咁我就己經好满足。仲記唔記得我個日cap图比你問你個時話中意我係唔係真？其实我係好想你答我係真，不過，呢d都只不過係我ge一廂情願。我都明白我呢d咁7ge人你係唔會中意，你大把人追，要簡都唔會簡我啦，我明白架，我至少都知道自己咩料，唔會話要同你一齊，做你男朋友，我知道我冇咁ge資格。我之前竟然會on9到你以为會对我有feel,到頭來都只係我諗多左，所以，我亦都好多谢你比我知道呢個就係現實，比我知道你係冇可能对我有feel。你肯同我做朋友我己經好滿足，雖然我見到你同其他男仔一齊我個心都係會好唔舒服，但係我明白我又唔係你边個，我只係你ge朋友，我係冇权去干涉你ge生活，同d咩人一齊，所以，我只會將我呢份唔开心收係個心入面，直到今日，我先同你講呢d野，因为再一直係咁落去我會好辛苦，頂唔住，所以我希望至少比你知道我ge心意，我唔想我自己因为咁而后悔，我起码要比你知我係點諗，就算我講完呢番說話你會遠離我又好，好似平时咁又好，我都起码唔會后悔，縱使你唔來温我我會好唔开心。我唔想一直都唔同你講呢d野。或者对你来講我係只不過係一個好普通ge朋友，但係对我来講就唔係咁簡單，我係會好記得每次同你一齊ge時間，一齊食甜品，一齊係后樓梯玩，可能对你來講冇乜咁大不了，你可能整日都會咁同都其他男仔朋友咁做，但係我係會好重视呢d時間，每次我都觉得同你一齊ge時間太短，好想永远只係同你一齊。多谢你比左呢d咁美好ge回憶比我，如果可以，我好想再一次同你一齊再創造呢d美好ge回憶。真係，真心好多谢你比左呢d回憶我，我一定呢一世都會記住。