F.4 BAFS 問題

會計唔係死記硬背，你要知道嘅係收入，支出，資產，負債，資本的定義之後學識去返，而唔係去記有邊啲收入支出。萬一題目比個你未見過嘅嘢，你唔知定義就唔識分。

一間公司單講支出起碼十幾項，不同行業有不同支出，你點記到咁多？

例如我講會計師樓呢啲服務性行業，最最要收入就有服務收入，其他收入有銀行利息收入等。支出有文具印刷，薪金，折舊，水電費，租金，管理費，交際應酬，什項，維修保養，清潔，郵費，電話傳真上網， 銀行費用，利息支出等。

另一啲服務行業如買海產肉食，除了我剛才所說支出外，亦會出面租個倉擺貨，要運貨比客如酒店酒樓。公司存貨如牛扒鮑魚等。一牽涉存貨就會有生產成本，生產成本：年初存貨+購貨－退貨+客運費－年尾存貨。銷貨收入就係主要收入。

工廠更加複雜，因要識計生產成本，涉及半製成品，製成品，直接及間接成本，入面亦有好多支出。直接成本有原材料，消耗品，生產工人人工。間接成本有管工人工，廠租，機器折舊，機器維修保養等。

資產就係幫公司賺錢工具，如電腦，物業，打印機，傢俬，FILE櫃，機器，車等，呢啲係固定資產。流動資產有應收帳，已付按金，存貨，銀行存款，現金。短期負債係你一年內要還的錢，例如有應付未付，應收帳，已收按金，銀行透支，（1年內還或有條款話有可能需即時還）銀行貸款。長期負債主要係銀行貸款及債券。

Capital係老闆注資。如有限公司發行股票，股東擺嘅錢就係股本(share capital)，都係資本，有D有限公司會有儲備(reserve)

Income statement個doubtful debt係將今年OPENING同CLOSING比較。如今年年初有$530, 今年年尾計到$700，多咗170入Income statement。