✔ 最佳答案
1. 上水廣場樓下搭一程278X ($13.0) 到眾安街落車直達千色店門口, 車程需時約55-65分鐘, 計埋等車約75分鐘左右 (不過真係要視乎大埔公路沙田段情況).
2. 新運路上水站外搭279X到大欖隧道轉車站轉乘68M/69M/265M/269M (兩程使用八達通合共只需$15.0), 68M去到荃灣鐵路站總站落車再經有蓋行人天橋行過去, 69M/265M/269M去到眾安街落再經行人天橋過馬路便到達 (69M/265M/269M落車站位於278X對面馬路. 合共車程約40分鐘, 計埋等車一個鐘應該唔駛.
注意, 279X兩個方向都會停上水站, 要搭青衣鐵路站方向既車先去到欖隧轉車站.
快就特別建議搭279X轉車, 因為278X要到粉嶺華明一帶不停兜圈, 出城隧又要兜梨木樹同大窩口, 反而279X由上水一站直達欖隧轉車站, 第二程一出欖隧就入荃灣市中心 (不過荃灣站/眾安街並非出欖隧之後既頭站, 要搭多三四個站先去到).