原來山本五十六，反對三國聯盟

雖然無睇到套戲，但係都估到個導演會吹捧下呢位仁兄。不過，日本當時完全無可能同美國結盟，唔打已經係想像唔到既奇蹟，兩者結盟係完全徹底無可能。

點解﹖因為係東亞擴張及發展大海軍與美國係太平洋爭霸係軍國日本既最根本國策，唔好忘記係美國夾硬打開日本封鎖左幾百年既國門，所以軍國日本從感情及理智上均必須與美國爭霸。

調番轉美國係專門唔想日本強大，更加唔想日本有大海軍。1920代既華盛頓條約，美日都係締約國，美國尤其關心日本海軍唔可以超過條約所限既總噸位。不過後來由於每個締約國都違約，軍國日本甚至不惜退出國際聯盟去全力侵略中國。日本全面發動戰爭，係東亞及西太平洋擋我者死，乜國家都侵略及得罪，全無停低既意思。咁既表現已昭示軍國日本完全唔比面美國及所有西方國家，任何有理智既人都唸到美日開戰只係遲早既事，只係睇下邊個開槍先。

美國對於日本全面侵華極端反感，因為如果日本成功左，咁日本將會立刻變成一個比美國更強大超級帝國，到時無論點打海陸空戰都無用。所以當日本侵華愈來愈瘋狂，美國索性禁運鐵礦及石油比日本，令後者經濟幾乎即時崩潰，於是無可避免一定要同美國開戰。

了解以上既形勢，就知道日本既任何勢力根本無可能投靠美國，因為美國係直情想日本死，而且係日本郁手先，美國一有機會梗係要全力做瓜日本。另外，請留意山本只係聯合艦隊司令，連海軍總司令都唔係。係極端變態無人權，當人唔係人既變態軍國日本中，山本只係一個比細菌唔高級多少既小嘍囉，佢連自己條命都隨時凍過水，佢夠膽出聲反對邪魔陸軍及軸心聯盟已經要極大勇氣，但佢完全唔會有能力，亦無意願反對自己既國家，更唔好講話佢可以策反整支日本海軍。

我未看過該電影；但就我所知，他祇是反對與意大利結盟、而不是反對與德國結盟。
與日本陸軍持有不同意見，並不等如他會背叛祖國，投靠美國、而且還要帶領整個日本海軍。
日本人就有這種天真思想，以為會所有事可從頭來過就好了；但現實上，世事就像有隻無形之手，讓每個民族，向一個既定軌跡行進。舉例如德國，軍隊中都有人看出問題所在，意圖去刺殺希特勒，但最終都唔成功；直至德國徹底失敗為止。